Зимска ноќ (трилогија)

 Трилогијата Зимска ноќ е серија историски фантастични романи за возрасни напишани од американската авторка Кетрин Арден. Трилогијата се состои од Мечката и славејот (2017), Девојката во кулата (2017) и Зимата на вештерката (2019).Приказната започнува во средновековно руско село. Василиса „Васја“ Петровна има духовна дарба да ги види фантастичните суштества што го населуваат нејзиното село. Ова ја води до конфликт со православната црква при што ја прогласуваат за вештерка.

Развој и објавување

Арден вели дека инспирацијата за серијата ја црпела од рускиот фолклор. Таа има диплома по руски јазик и живеела во Москва пред да се пресели на Хаваи. Во октомври 2014 година, Дел Реј ги добил правата за првата книга, Мечката и славејот, која била објавена на 10 јануари 2017 година. Тоа била дебитантска книга на Арден. Нејзиното продолжение, Девојката во кулата, било објавено на 5 декември 2017 година. Последната книга од серијалот, Зимата на вештерката, била објавена на 8 јануари 2019 година.

Прием

Трилогијата Зимска ноќ добила позитивни критики. Критичарите од Паблишерс Викли ја пофалиле Мечката и славејот, велејќи: „Дебито на Арден е приземјено, убаво напишано љубовно писмо до рускиот фолклор, со неодолива хероина која сака само да се ослободи од врските на нејзиниот пол и да ја бара сопствената судбина во Русија од 14 век“. Киркус изјавил: „Арден обликувала свет кој уредно се протега на виденото и невиденото, каде што читателите ќе слушаат ехо на приказни од детството додека ја препознаваат имагинацијата што го трансформирала стариот материјал во нешто свежо“. Евердин Мејсон од Вашингтон пост, рекол дека „дебитантскиот роман на Арден има каденца на убава бајка, но е помрачен и полирски“.

„Мечката и славејот“ била прогласена за „Најдобра книга за јануари 2017“ од Амазон.