Економија на Чешка

Економијата на Чешка спаѓа во групата на новопојавените пазарни економии. Таа е членка на ЕУ и на ОЕЦД.

Прага, бизнис центар на Чешка

Макроекономски показатели

Во 2019 година, БДП по глава на жител на Чешка изнесувал 23 214 долари, со што таа била рангирана на 22. место во однос на Европа и 41. во светот.

Во 2018 година кефициентот Џини во Чешка изнесувал: 25,6%.

Даночен систем

Во 2008 година, Чешка го прифатила рамниот данок, но во 2014 година преминала на прогресивно оданочување. Даноците претставуваат најголема компонента во буџетот на Чешка. Таа е меѓу земјите со најдобар резултат во однос на висината на данокот наплатен од корпорациите, како и висината на износот на корпоративниот данок како процент на БДП. Во 2017 година, учеството на даноците во БДП изнесувало 35,4%. Во вкупните даночни приходи, данокот на потрошувачката има највисоки вредности, кои се движат помеѓу 7,3 и 7,7% од БДП, додека приходите на данокот на личен доход се движат помеѓу 3,6 и 4% од БДП.