Дрезденска долина на Елба
Дрезденската долина на Елба е поранешен објект на светското културно наследство во Дрезден, Германија. Долината, протегајќи се на околу 20 километри и поминувајќи низ Дрезденската долина и градот Дрезден, е едно од двете културни знаменитости долж реката Елба. Вредноста на оваа знаменитост лежи во фактот дека вклучува и урбана зона, како и природните речни брегови и падини.
| светско наследство на УНЕСКО | |
|---|---|
 Поглед на ливадите околу реката и Дрезден | |
| Критериум | културно: ii, iii, iv, v |
| Навод | 1156 |
| Запис | 2004–2009 (28. заседание) |
| Загрозено | 2006–2009 |
Како точки на интерес во долината на Елба влегуваат Пилниц со неговиот замок и старото село, како и селото Лошвиц со замокот Албрехтсберг, делата на инженерството како мостот Сино чудо, жичената железница во Дрезден и висечката железница во Дрезден и историскиот центар со градбите Тераса на Брил, Земперова опера и Хофкирхе (римокатоличка црква во поранешниот суд). Делови на областа како Блазевиц се историски предградија на градот, додека истовремено се и индустриски окрузи.
Плановите за изградба на мостот Валдшлесхен (Waldschlößchenbrücke) со четири ленти низ долината се покажаа контроверзни. Во 2006, одборот на светското наследство на УНЕСКО ја сместил Дрезденската долина на Елба на нејзиниот список на светско наследство во опасност и се заканил со нејзино повлекување од списокот на објекти на светско наследство. Според официјалната страница на одборот, одборот означил дека „плановите за изградба на мост преку Елба би можеле да имаат сериозно влијание врз целовитоста на пејзажот и дека со тоа долината повеќе нема да заслужува да биде дел од списокот на светско културно наследство“ и затоа одлучиле да ја сместат Дрезденската долина на Елба на списокот на загрозени објекти на светското наследство и назначиле дека доколку плановите за мостот се остварат во 2007, долината ќе биде повлечена од самиот список“.[1]
Иако мостот бил одобрен на референдум во 2005, советот на градот одлучил на 20 јули 2006 да го сопре повикот за изградба на мостот. Меѓутоа, по неколку судски одлуки, градот бил присилен да ја започне изградбата на мостот на крајот на 2007 до понатамошните судски рочишта, кои се одржале во 2008.
Во јули 2008, одборот на светското наследство на УНЕСКО одлучил да ја зачува Дрезденската долина на Елба на списокот на светско наследство со надеж дека изградбата ќе биде запрена и целовитоста на пејзажот ќе биде вратен. Доколку не биде така, објектот ќе биде симнат од списокот на светско наследство во 2009.[2]
Во јуни 2009 на состанокот на УНЕСКО во Севиља, одборот на светското наследство одлучил со 14 против 5 гласа и два воздржани да ѝ го одземе статусот на Дрезденската долина на Елба како објект на светското културно наследство.[3][4]
Наводи
уреди- ↑ ""World Heritage Committee threatens to remove Dresden Elbe Valley (Germany) from World Heritage List," UNESCO World Heritage News, 11 јули 2006.
- ↑ "World Heritage Committee keeps Dresden Elbe Valley on UNESCO World Heritage List, urging an end to building of bridge," UNESCO World Heritage News, 4 јули 2008.
- ↑ "Unesco-Entscheidung: Dresdner Elbtal verliert Weltkulturerbe-Status," Der Spiegel, 25 јуни 2009 (германски).
- ↑ "Dresden is deleted from UNESCO’s World Heritage List," UNESCO World Heritage News, 25 јуни 2009.
Надворешни врски
уреди| „Дрезденска долина на Елба“ на Ризницата ? |