Градечка Река

река во Македонија

Градечка Рекарека во Источна Македонија и лева притока на Брегалница. Градечка Река, заедно со Осојница и Виничка Река, е од големо значење за наводнување на Виничкото Поле, а нејзините води претставуваат извор за производство на електрична енергија.

Градечка Река
Градечка Река.jpg
Градечка Река на Плачковица
ЗемјаМакедонија Македонија
Слив
Главен изворПлачковица
УстиеБрегалница
Сливна повр.55,31 км2
Физички особености
Должина18 км
Проток
  • Просечен:
    0,030-0,305 м3/сек
Градечка Река на Ризницата

ТечениеУреди

Реката нема посебен извор и неа ја образуваат повеќе безимени потоци на планината Плачковица. Нејзиното течение понатаму продолжува по падините на планината, потоа минува низ селото Градец и покрај градот Виница, и на крајот се влева во Брегалница. Течението на реката над Виница е опаѓачко, при што реката ги прифаќа сите води што надоаѓаат, додека под градот е од рамничарски тип. Во алувијалната рамнина на реката има подземни води, но за нив сè уште нема сознанија.[1]

ХидрографијаУреди

Градечка Река е долга 18 км, а вкупната површина на речниот слив изнесува 55,31 км2. Речниот проток има голема варијација, така што протокот на местото каде што е изградена акумулација изнесува 305 л/сек, додека најмалиот проток е околу 30 л/сек. Водата од реката се користи за наводнување на дел од Виничкото Поле. Поради малата сливна површина, кратката должина и големиот наклон во средниот и горниот тек, реката има буичарски карактер и нанесува штети на градот Виница, а исто така го нарушува и квалитетот на обработливите површини, особено на оние опфатени со хидромелиоративниот систем. Коритото на реката е регулирано од едната страна, во должина од 2000 м, со што просторот каде што е можно излевање е целосно заштитен од поплави. Во горниот дел на речниот слив има појава на интензивен процес на ерозија.[1]

ЕнергетикаУреди

По течението на реката, непосредно пред влезот на селото Градец од страна на планината Плачковица, се наоѓа малата хидроцентрала „Градечка Река“ со моќност од 0,7 MW.

ГалеријаУреди

ПоврзаноУреди

НаводиУреди

  1. 1,0 1,1 Пејчиновска-Андонова, Славјанка (април–јуни 2014). „Извештај за оценка на стратегиска оцена на плански документ врз животната средина: Именување и дополнување на ГУП за Град Виница, плански период 2012-2022“ (PDF). Скопје: Друштво за технички консултантски услуги „ЕкоМозаик“ ДООЕЛ Скопје. стр. 46. Посетено на 2 јуни 2016.CS1-одржување: датумски формат (link)