Господин Пиклс
Господин Пиклс (англиски: Mr. Pickles) — американска анимирана телевизиска серија создадена од Вил Карсола и Дејв Стјуарт во 2013 г. и прикажувана на Adult Swim. Заплетот се врти околу семејството Гудман, особено нивниот шестгодишен син Томи и нивното домашно милениче, демонското бордер коли, Господин Пиклс. Премиерата на серијата била на 21 септември 2014 г., а завршила на 18 ноември 2019 г.[1][2][3]
| Господин Пиклс | |
|---|---|
 | |
| Жанр | црна комедија комични ужаси |
| Создадена од | Вил Карсола Дејв Стјуарт |
| Напишана од | Вил Карсола Дејв Стјуарт Шон Конрој |
| Режирана од | Вил Карсола |
| Гласови на |
|
| Тематски композитор | Марк Риверс |
| Земја на потекло |  САД |
| Првичен јазик |
|
| Бр. на сезони | 4 |
| Бр. на епизоди | 32 (сосе пилотната и последна епизода) (список на епизоди) |
| Производство | |
| Уредници | Вил Карсола |
| Времетраење | 11 минути |
| Продукциска куќа |
|
| Прикажување | |
| Првична мрежа | Adult Swim |
| Првично прикажување | 21 септември 2014 г. – 18 ноември 2019 г. |
| Надворешни врски | |
| Мрежна страница | adultswim.com/videos/mr-pickles/ |
Анимираната серија е создадена со Adobe Flash. Во Македонија, серијата се прикажувала на Max со македонски превод.
Содржина
уредиВо необичната, старомодна заедница на Стариот Град, семејството Гудман живее со нивниот навидум невин и неупатен 6-годишен син, Томи, и нивниот злобен бордер коли, Господин Пиклс. Додека Томи и Господин Пиклс ги поминуваат деновите разиграно истражувајќи го градот, Господин Пиклс крие мрачна тајна што ја знае само дедото на Томи. Зад кулисата, Господин Пиклс се впушта во ужасна серија убиства и осакатувања насочени кон секој што претставува закана за Томи, кој ќе му се најде на патот или едноставно ќе го изнервира. Тој често ги воскреснува своите жртви, кои потоа му служат од неговото скриено подземно дувло. Преку неговите злонамерни постапки, Господин Пиклс спроведува извртен вид ред во Стариот Град, кој инаку е зафатен од злосторништво, главно занемарен од неспособниот местен шериф.
Озвучување
уреди| Глумец | Улога |
|---|---|
| Кејтлин Роброк | Томи |
| Џеј Џонстон | господин Гудман |
| Брук Шилдс | госпоѓа Гудман |
| Френк Колисон | дедото |
| Вил Карсола | шерифот |
| Дејв Стјуарт | Господин Пиклс |
| Џон Енис | Док Волтон |
Наводи
уреди- ↑ Robrock, Kaitlyn. „Looks like #MrPickles has been greenlit for Season 4 before Season 3 even aired!“ – преку Twitter.
- ↑ „Adult Swim Goes into Animation Overload with New Season Pick-Ups and Return of Squidbillies“. August 19, 2023. Архивирано од изворникот на 2019-07-08. Посетено на 2024-08-21.
- ↑ „Mr. Pickles Season Four Premiere“. Facebook. Посетено на 22 October 2019.
Надворешни врски
уреди- Господин Пиклс на
Семрежната филмска база на податоци (англиски)
