Википедија:Статии без илустрација 2024

#WPWP од 1 јули до 31 август. Приклучете се!

Статии без илустрација (анг. Wikipedia Pages Wanting Photos, WPWP) е кампања на меѓународно ниво за вметнување на илустрации во статиите на кои им недостигаат. Илјадници фотографии се поставени на Заедничката ризница преку разни ГЛАМ проекти, како и преку фотографските натпревари низ годиниве. Идејата е да се искористат фотографиите и останатите илустрации во соодветните статии. Ова е огромен јаз кој оваа кампања се обидува да го премости. На Википедија на македонски јазик, организатор на оваа кампања е здружението на граѓани „Викимедија МКД“, пред тоа од 2020 до 2023 година организатори беа здруженијата на граѓани „ГЛАМ Македонија“ и „Споделено знаење“.

Како да учествувате?

1. Мора да имате корисничка сметка на Википедија, создадена пред 1 јули 2023 година.
2. Најдете статија без илустрација
3. Најдете соодветна илустрација на Ризницата
4. Поставете ја илустрацијата на соодветно место во статијата, и зачувајте ги промените
5. Поставете го записот #WPWPMK (за да учествувате за македонските награди) и #WPWP (за да учествувате за меѓународните награди) во делот „Опис“ на промените што ги правите.

Напомена: Доколку не го поставите записот, таа промена нема да влезе во вашиот краен резултат. Алатката поврзана со хатштагот брои еден поен за едно зачувување, без разлика колку илустрации сте поставиле.

6. Поставете илустрација само на статија објавена пред 1 јули 2024 година

Напомена: Новосоздадени статии нема да се земаат предвид, и таквите придонеси нема да влезат во вкупниот број на поени.

7. За полесно наоѓање на статии без илустрација може да ја користите алатката Петскан, а упатството за тоа како се користи алатката е на следната врска.

Накртако:

1. Влезете на страницата: http://petscan.wmflabs.org

2. Во делот „Јазик“, одберете го јазичниот код (mk за македонски јазик)

3. Одберете статии според категоријата, односно во делот „Категории“ внесете го името на категоријата, на пример: Градови во Африка

4. Притиснете на јазичето „Page Property“, потоа во делот „Lead image“ притиснете „Nо“.

5. Притиснете на „do it“.

6. Најдолу ќе ви бидат прикажани статиите од таа категорија кои немаат илустрација.

Правила

Додавањето на фотографии во статии без илустрација треба да се одвива меѓу 1 јули и 31 август 2024 година.	Нема ограничување во врска со бројот на илустрации што може да ги употребите. Но сепак постојат различни категории на награди (видете подолу).	Фотографијата што ја користите мора да биде поставена под слободна лиценца или во јавна сопственост. Други лиценци што се прифаќаат се: CC-BY-SA 4.0, CC-BY 4.0, CC0 1.0.
Учесниците мора да се регистрирани на било која јазична Википедија и да учествуваат со своето корисничко име, кое треба да е регистрирано пред 1 јули 2023 година.	Описот што се додава под сликата мора да биде јасен и соодветен.	Учесниците мора да го вклучуваат записот #WPWPMK на секое зачувување на промени кога внесуваат илустрација, и на секоја статија на која внесуваат илустрација. Исто така поставете го записот #WPWP за да учествувате за меѓународните награди.

Временска рамка

Кампањата се одржува еднаш годишно.

Почеток: 1 јули 2024 г., 00:01 (UTC)
Крај: 31 август 2024 г., 23:59 (UTC)
Објавување на резултатите: 10 октомври 2024 г.

Награди

Меѓународни награди

Награди за учесниците кои поставиле најголем број на илустрации во статии

1. прва награда плакета + сувенир и диплома
2. втора награда плакета + сувенир и диплома
3. трета награда плакета + сувенир и диплома

За македонските учесници се обезбедени посебни локални награди. Вкупно има на располагање 5 награди поделени на следниов начин:

Прва награда - ваучер во вредност од 12.000 денари (се доделува 1 ваучер на еден корисник)
Втора награда - ваучер во вредност од 6.000 денари (се доделуваат 4 ваучери на четири различни корисници)

Забелешка: Наградите ќе бидат доделени на најплодните учесници, кои имаат поставено илустрација на најмалку 100 различни статии на Википедија на македонски јазик. Доколку овој услов не биде постигнат, организаторите го задржуваат правото да не ги доделат наградите. За македонските награди, поените ќе се пресметуваат по принципот: една статија еден поен за илустрациите, без разлика колку илустрации сте поставиле во таа статија.

Доколку имате некои прашања, поставете ги на страницата за разговор на оваа страница.

Резултати

Број	Корисник	Бодови
1	Тиверополник	1622 Д¹
2	SirGoldenBlade	160 Д¹
3	Lili Arsova	155 Д¹
4	P.Nedelkovski	152 Д¹
5	Ivka20	76 Н²

¹ Учесникот го исполнува условот од минимум 100 поставени илустрации на различни статии на Википедија на македонски јазик.

² Учесникот не го исполнува условот од минимум 100 поставени илустрации на различни статии на Википедија на македонски јазик.

Надворешни врски

Wikipedia Pages Wanting Photos 2024 — службена страница на натпреварот на Мета