Ајант

Ајант или Ајант Големиот (старогрчки: Αἴας, Αἴαντος) — јунак од старогрчката митологија, син на саламинскиот крал Теламон.

Ахил и Ајант на лекит од доцниот шести век

Учеството во Тројанската војна

Ајант бил вториот најдобар јунак во грчката војска (по Ахил), кој во Тројанската војна особено се прославил во одбраната на мртвото тело на Патрокло. Оттука, по смртта на Ахил, тој се надевал дека ќе го добие Ахиловото оружје, меѓутоа Агамемнон, по желбата на Атина Палада, не му го доделил нему (како најхрабар), туку на Одисеј (како најмудар). Поради тоа, Ајант полудел и заклал стадо овци, мислејќи дека се грчките војници (според една верзија), односно направил масакр во грчката војска (според друга верзија). Кога се освестил и видел што направил, тој извршил самоубиство.

Ајант како мотив во уметноста и во популарната култура

• „Ајант“ — драма на старогрчкиот писател Софокле.
• „Ајакс“ — фудбалски клуб од Амстердам, Холандија.