Аргатробан

Аргатробан е лек кој се користи за спречување на згрутчувањето на крвта. Се работи за синтетички инхибитор на тромбин. Се користи за антикоагулација кај возрасни со хепарин-индуцирана тромбоцитопенија од типот II (ХИТ II), во случај кога е потребна парентерална антитромботична терапија.

Хемиски, аргатробанот е еден од непептидните инхибитори на тромбин.

Механизам на дејство

Аргатробан спаѓа во класата на директни инхибитори на тромбин. Супстанцијата е високо ефикасен, едновалентен директен инхибитор на тромбин кој селективно се врзува за активното каталитичко врзувачко место на тромбин. Аргатробан се врзува за слободен (растворен) тромбин како и на тромбин врзан за фибрин во тромбот.

Антикоагулантниот ефект на аргатробан се заснова на реверзибилна инхибиција на сите ефекти на тромбин, вклучувајќи формирање на фибрин, активирање на факторите на коагулација V, VIII и XIII и активирање и агрегација на тромбоцитите. Исто така, аргатробан го инхибира тромбинот во неговото дејство на активирање на белковината C.