Doom II
Doom II, позната и како Doom II: Hell on Earth — пукачка игра од прво лице развиена од id Software. Првично била објавена во 1994 г. за лични сметачи со MS-DOS. Таа е продолжение на играта Doom, која била објавена една година порано. За разлика од Doom од 1993 г., која била бесплатна за играње по пошта, Doom II се продавала во продавници.
| Doom II | |
|---|---|
 | |
| Изработувач(и) | id Software |
| Издавач(и) | GT Interactive |
| Серијал | Doom |
| Погон | Doom engine |
| Подлоги | |
| Датум на издавање | 1994 |
| Жанр(ови) | пукачка игра од прво лице |
| Режим(и) | едноиграчки, повеќеиграчки |
Играчки процес уреди
Doom II е пукачка игра од прво лице. Играта нема забележителни разлики од Doom од 1993 г. Играта користи псевдотримерна графика со спрајтови на непријатели и предмети. Суштината на играта сепак била да се најде начин да се пресели од едно ниво на друго, уништувајќи чудовишта по патот. Мала иновација во полето на играчкиот процес може да се смета дека наместо три мали епизоди што можат да се играат по кој било редослед, играта содржи една голема епизода со периодични текстуални сижетни вметнувања. Ова значи дека играчот не ги губи избраните оружја, муниција и оклоп кога започнува нова епизода.
Како што играта напредува, играчот наидува на различни видови противници со различни здравствени залихи и видови напади. Речиси секој вид непријател има неколку видови напади, чија употреба зависи од различни чинители за време на битката. Покрај обичните непријатели, игрите содржат босови — противници со голема залиха на здравје и многу помоќни видови напади. За разлика од повеќето игри, каде што секој бос обично се појавува само еднаш во целата игра, босовите во Doom II можат да се појавуваат повеќепати во текот на играта.
За да ги уништи противниците, играчот има пристап до арсенал на оружја, кој е претставен со измислени огнени и енергетски оружја, моторна пила и блиска борба. Играчот може да ги носи сите видови оружја истовремено и да ги користи во секое време. Патроните за оружја можат да се добијат од убиени непријатели или да се подигнат од соодветни места во нивоата.[1] Играчот исто така може да избере бонуси за здравје и оклоп. Во нивоата понекогаш можете да најдете други бонуси: на пример, привремена неповредливост или невидливост. Овие бонуси обично се наоѓаат во тајни делови од нивоата или се добро заштитени од непријателот.
Одзиви и критика уреди
Doom II била многу добро прифатена од критичарите и играчите. Бројот на продадени примероци достигнал два милиони.[2] Тоа било трговски најуспешната игра на id Software до денес, која создала приход од приближно 100 милиони долари. Во 1995 г., Doom II ја освоила наградата Origins за „најдобра фантастична/научнофантастична игра од 1994 г.“
Наводи уреди
- ↑ Fenlon, Wes (2015-06-15). „Doom's best new feature: Hell demon pinatas“. PC Gamer (англиски). Архивирано од изворникот на 2018-11-27. Посетено на 2018-11-26.
- ↑ „«Doom 2»“ (англиски). «The Video Game Masters Club». Архивирано од изворникот (HTML) на 2012-02-15. Посетено на 2011-08-17. Занемарен непознатиот параметар
|deadurl=(help); Не се допушта закосување или задебелување во:|publisher=(help)
Надворешни врски уреди