Петар Кузманоски

Петар Кузманоски – Таста (Прилеп, 1952 - Прилеп, 29 април 2018) — македонски ракометар, кој важешел за најдобар прилепски ракметар на сите времиња, идол на многу ракометни спортисти и успешен обучувач, ракометен тренер на плеада ракометари и ракометарки, во рамки на клубот Тутунски Комбинат. Кузманоски имал големи заслуги за силниот подем на клупскиот и македонскиот ракомет, воопшто. Бил член на Управниот одбор на Тутунски Комбинат и претседател на клубот. Тој бил координатор и спортски директор на младинската репрезентација на Македонија, која го постигнала најголемиот успех, односно станале прваци на Балканот и четврти во Европа. Неговиот син Горан Кузманоски исто така бил ракометар.

Петар Кузманоски – Таста
Роден(а)	1952 Прилеп, НР Македонија, ФНРЈ
Починал(а)	29 април 2018(2018-04-29) (возр. 65–66) Прилеп, Македонија
Националност	Македонец
Занимање	ракометар

Биографија и кариера

Кузманоски по завршувањето на активната децениската ракометна кариера, во сезоната 1981/82 во дресот на својот матичен клуб Тутунски Комбинат, ја презел улогата на тренер на младинската школа,а потоа станал тренер на машката сениорска екипа.

Но, најголмиот успех во тренерската кариера го постигнал со најквалитетниот женски ракометен колектив на РК „Тутунски Комбинат“, кои во сезоната 1987/88 станале второлигаши во некогашната Југословенска женска ракометна лига и тоа било првпат РК Тутунски Комбинат да има женска второлигашка екипа, која предводена од Таста редела успеси. Таста останал активен во ракометот во Прилеп и по распадот на РК Тут –Ком. Формирал школа „РК Таста 107“ за млади ракометарки кои се натпреварувале во Првата женска ракометна лига. Бил организатор на спектакуларниот ракометен настан, кога играле ветераните на Македонската репрезентација со ветераните „Тут-Ком“, одржан во 2012 година за собирање средства за изградба на црквата „Св.Петка“ во прилепската населба Точила. Тренерската кариера ја завршил во 2014 година во својот клуб и школа „Таста 107“. Починал на 29 април 2018 година во Прилеп.