Пердувеста кукумјавка
| Пердувеста кукумјавка | |
|---|---|
| |
| Научна класификација | |
| Царство: | Животни |
| Колено: | Хордови |
| Класа: | Птици |
| Ред: | Утковидни |
| Семејство: | Утки |
| Род: | Aegolius |
| Вид: | Пердувеста кукумјавка |
| Научен назив | |
| Aegolius funereus (Linnaeus, 1758) | |
| Подвидови | |
|
7, види во текстот | |
| |
Пердувестата кукумјавка (науч. Aegolius funereus) е мала утка. Таа спаѓа во „типичните утки“ на семејството Strigidae, која ги содржи повеќето видови утки. Се среќава и во Македонија.
Опис уреди
Пердувестата кукумјавка е долга 22-27 см со распон на крилјата 50-62 см. Таа кафеава одозгора, со бели дамки на рамењата. Одоздола е бела прошарана со надолжни линии со боја на ’рѓа. Главата е голема со жолти очи и бели фацијални дискови и со изглед на „изненаденост“. Клунот е светложолт.[2] Летот е силен и директен. Младенчињата се чоколаднокафеави.
Поведение уреди
Пердувестата кукумјавка е несоцијална ноќна утка.[3]
Огласувањето на оваа утка е како звукот на мавтање со крилјата.[4]
Овој вид вообичаено не е птица преселница, но наесен значаен број се селат појужно. Таа не се оддалечува многу од местото на размножување, иако е тешко да се открие надвор од сезоната на парење, кога воопшто не се огласува.
Размножување уреди
Оваа птица се размножува во густите четинарски шуми низ северниот дел на Северна Америка и Евроазија, во планините како Алпите и Карпести Планини во Канада. Несе 3-6 јајца во дупка во дрво. Низ Европа, но и низ Азија и Америка, природнонаучниците и орнитолозите ставаат кутии за гнездење за оваа и другите мали утки.
Исхрана уреди
Оваа мала утка претежно се храни со глодачи, други мали цицачи, но и со птици и инсекти и други безрбетници. Таа е ноќна птица, но понекогаш е принудена да лови и дење заради кратките ноќи летно време.
Смртност уреди
Познато е дека пердувестата кукмјавка живее над 16 години. Бидејќи е ова мала утка, таа често е ловена од страна на поголемите, како и од други грабливци, што го скратува нејзиниот просечен животен век.
Подвидови уреди
Пердувестата кукумјавка има 7 подвида:
- A.f. richardsoni, северноамерикански подвид, кој живее од Алјаска до источна и југоисточна Канада;
- A.f funereus, живее од Скандинавија на север, до Пиринејскиот Полуостров на југ;
- A.f. pallens, се среќава од југоисточен Сибир до Кина;
- A.f. caucasicus, на Кавказ;
- A.f. magnus, од источен Сибир до Камчатски крај;
- A.f. beickianus, од северозападна Индија до западна Кина;
- A.f. sibiricus, низ цел Сибир.
Наводи уреди
- ↑ BirdLife International (2012). „Aegolius funereus“. IUCN Red List. Version 2012.1. International Union for Conservation of Nature. Посетено на 16 July 2012.
- ↑ Bull, Farrand (1994). National Audubon Society Field Guide to North American Birds: Eastern Region. New York: Alfred A. Knopf. стр. 554. ISBN 0-679-42852-6.
- ↑ The Owl Pages. [1], Посетено на May 10, 2013
- ↑ Boulder County Nature Association. [2], Посетено на May 10, 2013.
Надворешни врски уреди
- Boreal Owl at owlpages.com
- Boreal Owl videos, photos & sounds Архивирано на 23 септември 2009 г. on the Internet Bird Collection
- „Aegolius funereus“. Обединет таксономски информативен систем. Посетено на 24 February 2009. (англиски)
Пердувеста кукумјавка на Ризницата ?
Aegolius funereus на Викивидовите ?- Aegolius funereus на Flickr: Field Guide Birds of the World
- Aegolius funereus на Avibase
