Манастирец
Манастирец — село во Општина Росоман, во областа Тиквеш, во околината на градот Кавадарци.
| Манастирец | |
  Манастирец Местоположба на Манастирец во Македонија
Манастирец на карта
| |
| Координати 41°29′17″N 21°56′40″E / 41.48806° СГШ; 21.94444° ИГД | |
| Регион |  Вардарски
|
| Општина | Росоман |
| Област | Тиквеш |
| Население | 268 жит. (поп. 2021)[1]
|
| Шифра на КО | 11028 |
| Надм. вис. | 322 м |
|
Манастирец на општинската карта  Атарот на Манастирец во рамките на општината | |
 Манастирец на Ризницата
| |
Географија и местоположба уреди
Селото е сместено во областа Тиквеш, оддалечено 10 километри северно од Кавадарци, 19 километри западно од Неготино и 4,5 километри јужно од општинскиот центар Росоман.
Историја уреди
Подрачјето на Манастирец е населено уште од бронзеното време, за што сведочи наоѓалиштето Хусков Рид над селото.[2]
Стопанство уреди
Население уреди
|
| |||||||||||||||||||||||||||||||||
Според статистиката на Васил К’нчов („Македонија, Етнографија и статистика“) од 1900 година, во Манастирец живееле 188 жители, сите Македонци, од кои 116 христијани и 72 муслимани.[3] Според егзархискиот секретар Димитар Мишев, („La Macédoine et sa Population Chrétienne“) во 1905 година во Манастирец имало 72 Македонци, под врховенството на Бугарската егзархија.[4]
Според германска карта издадена во 1941 година, а заснована на пописот на Кралството Југославија од 1931 година, селото имало 100 Македонци.[5]
Според пописот од 2002 година селото имало 321 жител, од кои 315 Македонци и 6 Срби.[6]
Според пописот од 2021 година селото живееле 268 жители, од кои 249 Македонци, 1 Албанец, 12 Срби и 6 лица без податоци.[7]
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | 188 | 72 | 273 | 261 | 256 | 203 | 173 | 116 | 117 | 321 | 268 |
- Извор за 1900 г.: Македонија. Етнографија и статистика.[8]; за 1905 г.: La Macédoine et sa Population Chrétienne.[9]; за 1948-2002 г.: Државен завод за статистика на РМ.[10]; за 2021 г.: Државен завод за статистика на РМ.[11]
Родови уреди
Според истражувањата од 1920-тите, родови во селото биле:[12]
- Македонски муслимански: Веселовци-Оџевци (4 к.) староседелци од старото село; Сулејмановци (3 к.) доселени се од Кавадарци на почетокот од XIX век; Јусуфовци (4 к.) и Салијовци (1 к.) доселени се во различен период од Сирково.
- Македонски православни: Соколовци (2 к.) доселени се од селото Паликура во 1850 година; Соколовци (1 к.) доселени се од селото Бунарче, а таму од Мариово; Нацовци (1 к.) доселени се од селото Рибарци; Иговци (1 к.) доселени се од селото Ракле; Малиновци (1 к.) доселени се од селото Трстеник; Науновци-Табаковци (1 к.) доселени се од селото Рибарци, а таму од Сопот; Мицовци (1 к.) доселени се од селото Ваташа.
Општествени установи уреди
- Црква „Св. Никола“, започната во 2007 г.
Самоуправа и политика уреди
Избирачко место уреди
Во селото постои избирачкото место бр. 715 според Државната изборна комисија, сместени во просториите на основното училиште.[13]
На претседателските избори во 2019 година, на ова избирачко место биле запишани вкупно 258 гласачи.[14]
Културни и природни знаменитости уреди
- Археолошки наоѓалишта[2]
- Вршник — населба од доцноантичкото време
- Лаката — населба од римското време
- Манастирец — некропола од римското време
- Хусков Рид — населба од бронзеното време
Редовни настани уреди
Личности уреди
Култура и спорт уреди
Фудбалскиот клуб Љубаш се натпреварува во општинската лига на Кавадарци.
Иселеништво уреди
Наводи уреди
- ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
- ↑ 2,0 2,1 Грозданов, Цветан; Коцо, Димче; и др. (1996). Археолошка карта на Република Македонија. Т. 2. Скопје: МАНУ. стр. 154. ISBN 9989-649-28-6.
- ↑ Кънчов, Васил. „Македония. Етнография и статистика“. София, 1900. стр.153
- ↑ Brancoff, D.M. "La Macédoine et sa Population Chrétienne". Paris, 1905, pp. 104 - 105.
- ↑ „200K Volkstumskarte Jugoslawien“.
- ↑ Попис на населението, домаќинствата и становите во Република Македонија, 2002 - Книга X
- ↑ „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
- ↑ К’нчов, Васил. „Македонија. Етнографија и статистика“. Софија, 1900
- ↑ Brancoff, D.M. „La Macédoine et sa Population Chrétienne“. Paris, 1905.
- ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
- ↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
- ↑ Радовановиќ, Воислав. Тиквеш и Рајец.
- ↑ „Описи на ИМ“. Архивирано од изворникот на 2023-08-17. Посетено на 3 ноември 2019.
- ↑ „Претседателски избори 2019“. Архивирано од изворникот на 2019-12-29. Посетено на 3 ноември 2019.
_1941.jpg){kind=link}