Јазици во Боцвана
Јазици во Боцвана е поим со кој се опфаќаат јазиците кои се зборуваат/ употребуваат на територијата на оваа африканска држава. Официјално, Боцвана е двојазична држава бидејќи има два официјални јазика: цвана и англиски. Национален јазик во Боцвана е цвана, кој го зборуваат околу 80% од населението.
 Јазици во Боцвана | |
|---|---|
| Официјален јазик | англиски, цвана |
| Национален јазик | цвана |
| Демографија на Боцвана | |
Службени јазици уреди
Сецвански јазик уреди
Јазикот цвана (самонар. „сецвана“), е банту-јазик кој се зборува во регионот Јужна Африка од околу 4.5 милиони Цвани.[1] Цвана е нигерконгоански јазик и е сроден со северниот сотоо, како и со кгалагдискиот и лозискиот јазик.
Цванскиот е службен јазик во Боцвана, каде е и лингва франка. Во Боцвана го зборуваат околу 1.1 милиони луѓе, но сепак мнозинството од говорниците чии мајчин јазик е цвана живее во ЈАР. Во ЈАР околу 3,4 милиони луѓе го зборуваат јазикот и истиот е еден од 11-те службени јазици во државата. Покрај ЈАР, во Зимбабве има 29.400 Цвани кои го зборуваат јазикот, а во Намибија има околу 12.300 Цвани.[1]
Со независноста на Боцвана и сецванскиот јазик станал официјален, кој патем најмногу се зборува во државата. Карактеристично за овој јазик се претставките, кои имаат голема важност. Меѓу поголемиот број претставки, позначајни се претставките бо-, ба-, мо- и се-. Претставката бо- се користи за името на државата, претставката мо- се користи за еден човек од народот Цвана, претставката ба- се користи за народот Цвана и претставката се- се користи за јазикот. Така, од коренот „цвана“ се добива „Боцвана“ (држава), „Бацвана“ (народ), „Моцвана“ (еден човек од народот Бацвана) и „Сецвана“ (јазикот).
Англиски јазик уреди
Англискиот јазик започнал да се зборува во регионот со британската колонизација на Јужна Африка и истиот бил службен јазик во протекторатот Бечуаналенд.
Англискиот јазик е западногермански јазик со потекло од Англија, и мајчин јазик на најголемиот број на луѓе во Австралија, Ирска, Канада, Комонвелтските Кариби, Нов Зеланд, Обединетото Кралство и САД (групно наречени Англосфера). Во голема мера се користи како втор јазик и како службен јазик низ светот, особено во земјите од Комонвелтот како Индија, ЈАР, Пакистан и Шри Ланка и од многу меѓународни организации.
Останати јазици уреди
Покрај сецванскиот, во државата се зборуваат и каланга, сарва, недебеле и во некои делови африканс.
Наводи уреди
Поврзано уреди
Надворешни врски уреди
- Јазици во Боцвана на Ethnologue.
