Википедија

Russia Beyond The Headlines

Russia Beyond the Headlines (RBTH) е повеќејазичен информациски ресурс, извор на информации, коментари, оценки и анализи од областа на културата, политиката, бизнисот, науката и општествениот живот во Русија. Печатените изданија на RBTH излегуваат во 26 влијателни светски весници во 21 земји и на 14 јазици. Освен тоа, RBTH одржува 19 сајта на 16 јазика. Печатените изданија на RBTH излегуваат во следниве партнерки весници:

Во своите печатени изданија и на Интернет-порталите RBTH претставува настани и појави во Русија, потпирајќи се на работата на професионални, независни руски и странски новинари.

Освен тоа, RBTH објавува широк дијапазон стручни мислења за потезите на Русија на меѓународната сцена и за процесите кои се одигруваат во самата земја.

Мисија

уреди

Мисијата на RBTH е пронаоѓање, систематизација и објавување на странски јазици на актуелни содржини за руската политика, за општествениот живот, културата, бизнисот, науката, историјата и за други сфери за кои различни национални медиуми по правило не ги известуваат своите читатели.

RBTH има улога на верига која ги поврзува руското општество и странската јавност и својот медиумски простор го користи за да поддржи одмерен и професионален меѓународен дијалог.

Структура

уреди

„Russia Beyond the Headlines“ е информациски ресурс што го финансира издавачката куќа „Росијскаја газета“.

„Росијскаја газета“ е печатено издание на Владата на РФ, чија улога е официјално да ги објавува законите и одлуките на Владата, за што добива компензација од државниот буџет. „Росијскаја газета“ е истовремено и дневен општествено-политички весник кој на своите читатели им нуди разновидна и квалитетна содржина и остварува приходи од маркетиншки услуги и од продажба на тиражот. Од овие приходи се финансира и проектот RBTH.

RBTH е независна од „Росијскаја газета“, има сопствена редакција и посебна техничка служба, кои ги подготвуваат материјалите за објавување во странските медиуми и на сопствените повеќејазични Интернет-портали.

Системот RBTH е составен од главната редакција, која ги подготвува материјалите заеднички за сите земји и региони, и регионални одделенија во кои овие материјали се прилагодуваат за објавување во определени земји и во кои се додаваат теми релевантни за определениот регион. Освен тоа, секако регионалното издание на RBTH објавува материјали за билатералните односи на определени земји со Русија.

Уредувачки принципи

уреди

Во својата уредувачка политика RBTH се раководи според принципите за квалитетно новинарство, урамнотеженост и објективност на содржините, според нивната релевантност за читателите, како и според претставителноста на ставовите што се објавуваат. Освен тоа, се води сметка и за усогласеноста со новинарските стандарди, за нормите на уредувачката политика и за традицијата на оние локални весници кои објавуваат содржини на RBTH.

Поголем дел од материјалот го подготвуваат слободни новинари специјално за RBTH, а дел се презема од други руски медиуми („Ведомости“, „Комерсант“, „Росијскаја газета“, „Руски репортер“, The Moscow Times и др.) со нивна дозвола.

Финансирање

уреди

Работата на RBTH се финансира со средства на „Росијскаја газета“ и од други спонзори, како и од приходи што се остваруваат со објавување рекламен материјал.

Странските партнери во објавувањето и во дистрибуцијата на печатените прилози на RBTH добиваат целосна или делумна компензација за трошоците за објавување на подлистокот (хартија, печатење, дистрибуција), како и трошоците за дополнителни услуги на RBTH во областа на промоцијата на подлистокот и за испитување на реакцијата на читателите.

Надворешни врски

уреди

Социолошки и маркетиншки истражувања

уреди

Според склучените спогодби, партнерските весници меѓу читателите периодично спроведуваат истражувања со цел да се утврди нивото на запознаеност со проектот и проценка на реакцијата на јавноста.

За време на анкетирањата од околу 500-600 испитаници се бара да одговорат на прашањата: колку често го читаат и го прелистуваат рускиот подлисток, колку време минуваат во негово читање, кои теми најмногу ги интересираат и кои теми би сакале да бидат обработени во следните изданија, како ги гледаат моменталните односи на својата земја со Русија итн.

Собирањето и обработката, анализата и споредувањето на овие информации ги вршат независни консултанти. Тие нудат објективна интерпретација на собраните податоци според клучните индикатори за ефикасност на проектот.

Истражувањето овозможува да се направат промени во известувањето на читателите за проектот, да се проучи социодемографските профили на читателите, како и да се утврдат нивните интереси и односот кон развојот на соработката на нивните земји со Русија.

Надворешни врски

уреди
Преземено од „https://mk.wikipedia.org/w/index.php?title=Russia_Beyond_The_Headlines&oldid=5295929“