Во центарот на приказната е осумнаесетгодишниот Џамал Малик, сираче од улиците на Мумбаи[[Мумбај]], кој се пријавува на квизот "Кој сака да биде милионер" само за да и ја докаже својата љубов на девојката која ја љуби, а со тоа ќе го доживее и најголемиот успех во својот живот. Во мигот кога целата нација го гледа, тој е на прашањето чиј точен одговор може да му донесе награда од 20 милиони рупии во индиското издание на квизот "Кој сака да биде милионер". Но откако ќе се изгаснат камерите, полицијата го апси и го обвинува дека мамел. Едноставно никој не верува како може дете од улицата да има толкаво знаење. Решен да докаже дека не е виновен, Џамал ја раскажува својата животна приказна. Тој раскажува како со брат му се снаоѓале на улица, се бореле со локални банди и зборува за девојката што ја сакал, но ја загубил. А секое поглавје од неговата животна приказна е одговор на прашање во квизот. По ова, му останува да се врати и да одговори и на последното прашање.
