[[Слика:HinduSwastika.svg|мини|десно|200п|Свастика свртена кон десно во украсна хиндуистичка форма]]
'''Кукаст крст''' ([[Германски јазик|гер.]] ''Hakenkreuz'') или '''Свастика''' ([[Санскрит|санскр.]] स्वास्तिक) е [[крст]] со еднакви страни со прекршени краци под [[прав агол]] кон десно (卐) или лево (卍). Изразот потекнува од санскритскиот збор свасти, што значи добробит. [[Тајски поздрав|Тајскиот поздрав]] со споени дланки (како при молитва) има исти корени и исто значење.
Свастиката е ширококористен симбол во [[Дармиски религии|дармиските религии]] ([[хиндуизам]], [[будизам]] и [[џаинизам]]). Хиндуистите често ја украсуваат свастиката со по една точка во секој квадрант. Во [[Индија]] е премногу чест и вообичаен симбол, така што е дел од неколку деванагари азбуки. Исто така е дел и од модерниот [[Уникод]]. Често се наоѓа во верски текстови, покани за свадби, украси итн. Се користи за обележување религиозни знамиња во џаинизмот и будистички храмови во [[Азија]].
Постојат [[Археологија|археолошки]] докази дека облици на свастика датираат од [[Неолит]]от. Во [[1920]] свастиката била позајмена како [[Знаме на Нацистичка Германија|нацистички симбол]] и од тогаш е контроверзен симбол. Во западниот свет, свастиката е најпозната како симбол на [[Нацизам|нацизмот]], што го извртува историското значење на симболот на истокот.
Се среќава и во други [[Азија|азиски]], [[Европа|европски]], [[африка]]нски и староамерикански ([[Индијанци|индијански]]) култури, некогаш како [[Геометрија|геометриски]] мотив, некогаш како религиозен симбол.
