== Цветот како основно обележје на скриеносемените растенија ==
:''Повеќе информации во [[Цвет]].''
[[Податотека:Flores.gif|200px|thumb|лево|Различни бои и форми на цветови.]]
Карактеристично обележје на скриеносемениците е цветот, чија функција е размножување преку развиток на [[семе]]. Цветот е силно изменет изданок составен од четири основни делови поредени во одделни кругови. Надворешниот круг се состои од чашкини ливчиња (''sepala'') кои обично се зелени. Внатрешниот круг е изграден од венечни ливчиња (''petala'') кои исто така се изменети листови, но најчесто се повпечатливо обоени. Третиот круг го сочинуваат [[Прашник|прашниците]] (''stamen''), односно машкиот дел од цветот кој произведува [[полен]]. Највнатрешниот дел од цветот е женскиот и е претставен со плодните листови (''pistillum''-и) кои се сраснати и образуваат [[плодник]] (''carpellum'').
Семето кај скриеносемениците се развива во [[јајчник]], дел од плодникот кој ги обвива и заштитува овулите што содржат [[Јајце клетка|јајце клетки]]. Семето се развива од овулата по [[опрашување]]то и [[оплодување]]то. Овулите и семињата, сепак, не се среќаваат само кај скриеносемениците. Нив ги има и кај [[голосемени]]те растенија. Развитокот на семиња од овулите затворени во јајчник (овариум), кој се зголемува во [[плод]] како што оплоденото семе расте, е единствена карактеристика за
