Норвешки вооружени сили
Норвешките вооружени сили (норвешки: Forsvaret , „Одбрана“) е воена организација задолжена за одбраната на Норвешка. Составена е од пет ограноци, Норвешката армија, Кралската норвешка морнарица, која ги опфаќа Крајбрежната стража, Кралските норвешки воздухопловни сили, Домашната стража и Норвешките сили за кибер-одбрана, и уште неколку заеднички оддели. Воените сили во мирновременски услови изнесуваат околу 23.250 воен и цивилен персонал, и околу 63.250 при целосна мобилизација.[1] Воените расходи на Норвешка од 7,2 милијарди американски долари се највисоки расходи по глава на жител меѓу европските НАТО членки.