Ненад Шапоња

Ненад Шапоња (Нови Сад, 13 април 1964) — српски поет, есеист и книжевен критичар.

Творештво

Шапоња ги објавил следниве збирки поезија: „Ѓоконда“, „Одразите на привиденијата“, „Очевидност“, „Море“, „Слатка смрт“, „Постои ли допирот на твојата душа?“, „Изгледам, значи не сум...“ и „Психологија на гравитацијата“. Покрај тоа, тој е автор на три есеистичко-критички книги и на патеписот „А до Брисел може лесно да се препешачи“. Поезијата му е преведена на дванаесет јазици. Добитник е на неколку награди, како: Бранковата награда, Наградата на Просвета, наградата „Мирослав Антиќ“, наградата „Мома Димиќ“ и наградата „Милан Богдановиќ“. Тој е главен уредник на издавачката куќа „Агора“.