Министерство за регионален развој и инфраструктура на Грузија
Министерство за регионален развој и инфраструктура на Грузија (грузиски: საქართველოს რეგიონული განვითარებისა და ინფრასტრუქტურის სამინისტრო, sakartvelos regionuli ganvitarebisa da inprastrukturis saministro) — владин орган во рамките на Владата на Грузија задолжена за регионален и инфраструктурен развој, регулирање на активностите во секторот на Грузија. Во мигов, министерството го води Иракли Карселаѕе.[2]
| Министерство за регионален развој и инфраструктура на Грузија | |
|---|---|
| რეგიონული განვითარებისა და ინფრასტრუქტურის სამინისტრო | |
| |
| Грбот на Грузија | |
| |
| Податоци за органот | |
| Основан | 2 февруари 2009 |
| Надлежност | Влада на Грузија |
| Седиште | Авенија Казбеги бр. 12, Тбилиси, Грузија 0134 |
| Годишен буџет | 955 милиони ₾ (2015)[1] |
| Раководител | Иракли Карселаѕе (од 22 февруари 2021) (Министер за регионален развој и инфраструктура на Грузија) |
| Мрежно место | |
| www.mrdi.gov.ge | |
Историја
уредиМинистерството е основано врз основа на претходната владина агенција наречена Државно Министерство за прашања на регионално управување на 2 февруари 2009 година во согласност со член 81 (2) од грузискиот устав и законот за структурата, овластувањата и редот на активностите на Владата на Грузија. Била укината посебната државна агенција Обединета транспортна управа и Одделот за патишта и нејзиниот делокруг на активности се префрлил на новоформираното министерство.[3] Министерството се финансира од државниот буџет.[4] Давит Ткешелашвили бил првиот министер кој ја извршувал оваа функција.[5]
Структура
уредиМинистерството го надгледува регионалниот и инфраструктурниот развој во целата земја, кој вклучува модификација и модернизација на државните патни мрежи од меѓународно и домашно значење. Тоа е исто така задолжено за активностите за следење на архитектонските и градежните работи во Грузија. Министерството издава предлози и нацрти за модернизација на грузиската инфраструктура кои потоа се разгледуваат од Парламентот на Грузија. Агенцијата е составена од Канцеларијата на министерот, Административното одделение, Одделот за генерална инспекција, Одделот за правна поддршка и реформи, Одделот за регионален развој, Одделот за односи со јавноста, мобилизација и Канцеларијата за координација на подготовка на војската, Канцеларијата за меѓународни односи, како и нејзините поделби (Оддел за автомобилски патишта во Грузија, транспортна администрација и главна архитектонско-градежна инспекција.[4]
Поврзано
уредиНаводи
уреди- ↑ „Civil.Ge | 2015 წლის ბიუჯეტის პირველადი პროექტი“.
- ↑ „Georgia's parliament approves new cabinet“. Xinhua. 23 February 2021.
- ↑ „Parliament Bureau Sitting“. Посетено на 2011-03-07.
- ↑ 4,0 4,1 „Statute of the Ministry of Regional Development and Infrastructure of Georgia“ (PDF). Архивирано од изворникот (PDF) на 2011-06-08. Посетено на 2011-03-07.
- ↑ „New Ministers Named to Address Penitentiary, Regional Development Issues“ (PDF). Архивирано од изворникот (PDF) на 2012-03-21. Посетено на 2011-03-07.