Мастилно знаме

Мастолното знаме (хебрејски: דֶּגֶל הַדְּיוֹ, Degel HaDyo) било рачно изработено израелско знаме кое било развеано за време на израелско-арапската војна од 1948 година кога бил ослободен Ејлат.

Развејување на мастилното знаме, фотографија на Мич Пери. Човекот на јарболот е Аврахам Адан.

Историја

На 5 март 1949 година Израел ја започнал операцијата Увда, последниот воден поход во израелско-арапската војна. На 10 март израелската војска стигнала на бреговите на Црвеното Море во Ум Рашраш, западно од Акаба во библиското место Елат и го зазеле истото без битка. Негевската бригада и Голанската бригада учествувале во оваа операција. Тогаш, војниците зеле бело платно и со мастило исцртале две хоризонтални ленти во сина боја.

Импровизираното знаме било направено по наредба на командирот Нахум Сариг, кога увидел дека бригадата нема израелско знаме со себе. Војниците пронашле бело платно, исцртале со мастило две сини ленти и сошиле Давидова ѕвезда.

Во Ејлат има поставено бронзена скулптура во чест на овој настан.

Галерија

• 
  Современа реконструкција на мастилното знаме
• 
  Детал од скулптурата
• 
  Скулптура на Бернард Редер.

Надворешни врски

• Говор на Ариел Шарон за Ејлатовиот ден, 20 март 2005