Македонска аикидо федерација - Аикикаи Македонија
Македонска аикидо федерација - Аикикаи Македонија е организација која обединува здруженија на граѓани (клубови) чија дејност е аикидо. Целта ѝ е изучување на аикидото во неговата изворна форма, според начелата поставени од основачот Морихеи Уешиба и според стандардите на Аикикаи Фондацијата од Токио, Јапонија.
 Лого на МАФ | |
| Кратенка | МАФ - Аикикаи Македонија |
|---|---|
| Основана | 2006 г. |
| Цел | Промоција и развој на боречката вештина аикидо во Р Македонија |
| Место | Скопје, Македонија |
| Членство | клупско |
| Главно тело | Генерално собрание |
| Припадност | Светски центар за аикидо - Аикикаи фондација во Токио, Јапонија |
| Мреж. место | www.aikido.mk |
Основана е во 2006 година.
Административен статус
уредиМАФ е регистрирано правно лице согласно Законот за здруженија и фондации во Република Македонија со седиште во Скопје. Територијата на дејствување е целата територија на републиката. Федерацијата ја претставува нејзиниот претседател, а главното одлучувачко тело е нејзиното собрание кое е сочинето од претставниците на поединечните клубови-членки.[1]
Името на федерацијата
уредиЈапонскиот збор „Аикикаи“, во името на федерацијата, во превод значи „Организација за АИКИ“ или поточно: „Организација за хармонизација на енергија“. Истиот е преземен од името на матичната организација за аикидо во Токио, Јапонија, која го носи името „Аикикаи фондација - Светско седиште на аикидото“ (Aikikai Foundation - Aikido world headquarters).
Цели
уредиЦелите на МАФ се обезбедување на високи стандарди за практикување на вештината Аикидо, и нејзина промоција во Македонија и во светот.
Меѓународен статус
уредиМакедонската аикидо федерација - Аикикаи Македонија, доби полно Признавање од Аикикаи фодацијата во Токио во 2020 година. Со ова признавање, МАФ-АМ се стекна со право да одржува испити за мајсторки (ДАН) степени со своја техничка комисија, која овие испити ги пријавува во Аикикаи фондацијата и од таму се издаваат соодветните дипломи кои важат во целиот свет.
Македонската аикидо федерација - Аикикаи Македонија, според својот статут и техничките правила, издава сертификати за право на подучување аикидо на лица кои ги исполнуваат условите наведни во техничките правила. Сертификатите важат во рамките на федерацијата.
Од 2020 година МАФ-АМ, преку Националната аикидо спортска асоцијација, посредно е полноправна членка и на Меѓународната аикидо федерација (IAF).
Клубови членки
уреди- Аикидо клуб Хенбо - Скопје, Центар
- Аикидо клуб Икеда - Скопје, Центар
- Аикидо клуб Заншин - Куманово
- Аикидо клуб Бушидо - Велес
- Аикидо клуб Хеиши - Скопје
- Аикидо клуб Теншинкан-доџо - Скопје
- Аикидо клуб Мушин - Охрид
- Аикидо клуб Варна - Варна (Бугарија)
- Аикидо клуб Икеда - Твер (Русија)