Маерова непета

Маерова непета (Nepeta ernesti-mayeri) е локален ендемичен вид растение во Националниот парк Галичица.

Мониторинг

Маеровата непета е строго заштитен вид во Македонија и редок вид со исклучително мала популација и ограничено распространување во национален парк Галичица. Маеровата непета во македонија единствено се среќава тука, а во Националниот парк Галичица е со исклучително мала популација и со ограничено распространување на само три локалитети. Поради ароматичната содржина на изданоците, популацијата на овој вид е под притисок од неовластено собирање. Поради тоа стручниот тим на НП Галичица презел мерки за собирање на семенски материјал кој што подоцна ќе биде искористен за вештачко засејување (размножување).