Круната на Звонимир

Круната на Звонимир му била доделена на кралот Деметриј Звонимир од Хрватска во 1075 година од папскиот легат на папата Григориј VII во базиликата Свети Петар и Мојсеј во Салона.

Хералдички приказ на круната на Звонимир

Тоа била третата круна на Хрватското Кралство, бидејќи во повелбата за крунисување се споменувале уште две златни круни украсени со скапоцени камења, кои биле сместени во бенедиктинскиот манастир Свети Григориј во Врана, првата била поврзана со кралот Томислав, а втората со кралот Стефан Држислав.

Звонимир владеел со Хрватска се до 1089 година, по што круната веројатно била користена при крунисувањето на неговиот наследник Стјепан II и од бројните унгарски монарси по обединувањето на Кралството Хрватска и Кралството Унгарија во 1102 година. Обичајот на посебно крунисување од страна на унгарските кралеви бил прекинат од Бела IV од Унгарија.

Преглед

Крстилница со ликот на хрватскиот крал од 11 век, сега во Сплитската катедрала . Кралот се предлага да биде Петар Крешимир IV или Деметриј Звонимир .

Според гравура од 11тиот век, која била пронајдена во крстилница во сплитската катедрала, круната на хрватскиот крал, познат како Петар Крешимир IV или Димитриј Звонимир, наликува на западен стил на круната со три крста, еден во средината и два на страните. На круната има пет скапоцени камења. Препознатливите долги страни би можеле да бидат висечки пендилии како што се пронајдени и ја красат Светата круна на Унгарија, која исто така била папски подарок од 11 век. Насликаното дедито се смета дека е под влијание на Евангелието на Хенри II, светиот римски император.

Друга претстава на многу слична, ако не и иста круна и крал Деметриј Звонимир или Ладислав I од Унгарија е на мантијата на вториот, датирана во 11тиот век од загрепската катедрала.

Стилизирана верзија на круната се користи на неколку знамиња на провинции и окрузи во модерна Хрватска, и е доследно на дизајнот илустриран тука, кој е преземен од гравура, од 11тиот век пронајдена во крстилница во Сплит.

Исчезнување

Не е познато дали сè уште постои средновековната круна на Звонимир. Сосема е можно сите хрватски круни да се изгубиле во текот на 1520-тите кога Турците Османли ги зазеле и ги ограбиле кралските престолнини Солин и Книн. Сепак, тие можеле да исчезнат и пред тоа, по 1138 година кога Врана била окупирана од витезите Темплари и Витезите Хоспиталци, по 1403/1409 година кога Ладислав од Неапол бил крунисан и Далмација била продадена на Република Венеција, додека подоцна можеби била задржана од семејството Зрински.

Присвојување во Втората светска војна

Во 1941та година, фашистичкиот режим ја презел контролата врз Хрватска и одлучил да ја врати монархијата во државата, присвојувајќи ги и нејзините симболите. Тие создале уште една „Круна на Звонимир“, иако само малку била слична со оригиналот. Таа била опишана како „венец од златни лисја од детелина надграден со крст“. Круната, како и шарот, потоа му била претставена на италијанскиот крал Виктор Емануел III со барање тој да избере соодветен член на Савојскиот дом за да биде издигнат на предложениот хрватски престол за крал. Тој го избрал принцот Ајмон, војводата од Аоста, кој тогаш бил познат како „крал Томислав II“. Се чини дека веројатно тој дошол во сопственост на регалијата, иако никогаш не бил крунисан. Не е познато дали оваа круна сè уште постои.

Надворешни врски

• Хрватската круна во 17 век (на хрватски)