Историја на фармацијата

Историјата на фармацијата како независна наука започнала да се развива во првата третина на XIX век.

Фармацијата во праисторијата

Употребата на растителни мешавини, минерали и делови на животни (и инсекти) започнала уште во почетокот на човечката историја. Примитивните општества постојано се соочувале со недостиг на храна и разбирливо е дека во овие периоди луѓето експериментирале со различни растенија. Овој процес на учење ги запознал со алтернативни начини на обезбедување на храна, но и со некои растенија кои имаат фармаколошки ефекти, најчесто повраќање и дијареа.

Фармацијата во антиката

Лекувањето кај Старите Египќани е проучувано од зачуваните папируси, како што се Еберсовиот Папирус од 1550 г. пне и Папирусот на Едвин Смит од 16 век пне.