Замокот Едсберг (Edsberg Manor) е дворец и имот сместен покрај заливот Едсвикен во општината Солентенуна, северно од Стокхолм, Шведска.[1]

Слика од замокот Едсберг

Историја уреди

Зградата била изградена околу 1630 година како имот за Хенрик Олофсон. Многу брзо по завршувањето била препишана на грофот Габриел Бенгтсон Оксенстиерна (1586-1656), кој го сменил во дворец во 1647 година. Шведската кралица Кристина ја посетила и останала во куќата во 1645 година. Во 1670 година, кога манастирот го наследил синот Габриел Габриелсон Окенстиерна, шведскиот крал Чарлс XI и кралицата вдовица Хедвиг Елеонора од Холштајн-Готорп дошле на посета.[2]

Дворецот подоцна му припаѓал на семејството Рудбек, од кои првиот бил гувернерот на Стокхолм, Туре Густаф Рудбек (1714-1786). Во 1760 година, тој ја заменил старата дрвена конструкција со камена зграда што стилски уште стои и се користи и денес. Главната зграда најверојатно била дизајнирана од архитектот Карл Винблад во поедноставен француски стил на рококо и имала два ката, има малтерисана фасада и две крила. Мала Силфверстолпе (1782-1861), внуката на Туре Густаф Рудбек, пораснала на имотот. Нејзиниот дневник дава живописен и фасцинантен приказ за животот во Едсберг во тоа време.[3][4]

 
Едсвик Констал

Замокот денес уреди

Членовите на семејството Рудбек биле сопственици на имотот околу 200 години, на кои округот Солентенуна им ја презел сопственоста во 1959 година. Едсберг претрпел огромно реновирање во 1990 -тите и 2006 година, а некои негови делови се отворени за јавноста денес. Во дворецот се наоѓало музичко училиште на Шведското национално радио. Во него сега се сместени музичари од Едсбер; независен оддел за камерна музика на Кралскиот колеџ за музика. Студентите од Кралскиот колеџ за музика поминуваат цели семестри на имотот за специјализирани часови по пијано, виолина, виола и виолончело, со акцент на камерна музика.[5]

Едсвик Констал, уметничка галерија, исто така се наоѓа во просториите.[6]

Во просториите на замокот Едсберг, исто така, биле одржани неколку фестивали на отворено во текот на летото.

Наводи уреди

  1. „Edsbergs slott“. kmh.se. Архивирано од изворникот на February 18, 2012. Посетено на September 1, 2019.
  2. „Oxenstierna, Gabriel Bengtsson“. Biografiskt lexikon för Finland. Посетено на September 1, 2019.
  3. „Edsberg Manor“. kmh.se. Посетено на September 1, 2019.
  4. „Magdalena ( Malla) Sofia Silfverstolpe“. Svenskt kvinnobiografiskt lexikon. Посетено на September 1, 2019.
  5. „Edsberg Manor - Kungliga Musikhögskolan“. www.kmh.se (англиски). Посетено на 2020-02-13.
  6. „Edsvik Konstskola“. edsvikkonstskola.com. Архивирано од изворникот на January 6, 2012. Посетено на September 1, 2019.