Дејл Купер

Специјалниот агент на ФБИ, Дејл Бартоломеј Купер, чијашто улога ја толкува Кајл Меклаклан е фиктивен лик и протагонист во ТВ серијата „Твин Пикс“. Кратко се појавува и во ретропродолжението на серијата, наречено „Твин Пикс: Огну оди со мене“.

Dale Cooper
лик од Twin Peaks
Податотека:Agentdalecooper.jpg Kyle MacLachlan as Dale Cooper
Прво појавување	"Pilot"
Последно појавување	Fire Walk with Me
Толкува	Kyle MacLachlan
Информации
Занимање	FBI Special Agent
Религија	Unitarian Tibetan Buddhist

Купер е ексцентричен агент на ФБИ кој пристигнува во Твин Пикс во 1989 година за да го истражи бруталното убиство на популарната средношколка Лора Палмер. При неговиот престој го засакува гратчето, а тесно поврзаната заедница великодушно го прифаќа. Купер прикажува низа чудни манири, како на пример ги крева палците кога е задоволен, кажува мудри изреки, има посебен смисол за хумор и ја обожава питата од цреша и филџанот „проклето добро кафе“ (кое го пие црно).

Концепт и создавање на ликот

Линч го именува Купер според Д. Б. Купер, непознат човек кој киднапирал авион Боеинг 727 на 24 ноември, 1971 година.

Меклаклан изјавува дека на Купер гледа како на повозрасна верзија на неговиот лик во „Син сомот“, филм во кој претходно соработува со Линч.

Развој на ликот

Купер е роден на 19 април, 1954 година. Дипломира на Хаверфорд Колеџ. Исто така дознаваме дека поседува интроспективен карактер, благодарение на неговиот огромен интерес за мистичното, особено за Тибет и митологијата на Индијанците. Голем дел од неговата работа се заснова на неговата интуиција, па дури и на неговите соништа, за разлика од другите фиктивни детективи кои користат логика за да ги решат нивните случаи. Кога се придружува на ФБИ почнува со работа во канцелариите на Бирото во Филаделфија. Токму овде го добива за партнер постариот Виндом Ерл. Во одреден момент, шефот на ФБИ Гордон Кол ќе го стави Купер под негова надлежност. Ова понекогаш значи дека на Купер ќе му бидат дадени мистериозните случаи наречени „Сина роза“. Некое време по приклучувањето на Купер во ФБИ, жената на Ерл, Керолајн, станува сведок на федерално кривично дело. Ерл и Купер се задолжени за нејзината безбедност, и токму во овој период Купер започнува афера со Керолајн. Но, една вечер додека е во Петерсбург, Купер го спушта гардот и Ерл ја убива својата жена. Партнерот на Купер го губи разумот и го испраќаат во ментална институција. Купер е апсолутно уништен од загубата на жената која подоцна ја нарекува љубовта на неговиот живот и се заколнува дека никогаш повеќе не ќе има афера со некој кој е поврзан со случајот на којшто тој е назначен.

Три години пред неговото пристигнување во Твин Пикс, Купер сонува за неволјите на тибетскиот народ. Овој сон му ја открива дедукциската техника на Тибеќаните. Купер е длабоко трогнат од тоа што го гледа во сонот, па се верува дека овој настан е темел на необичните методи кои ги користи во истрагите. Купер му ги открива на Кол кобните симболи од еден негов чуден сон. Во меѓувреме, Специјалниот агент Честер Дезмонд исчезнува при истрагата на едно бизарно убиство. Купер го презема случајот, но не може да пронајде никакви докази кои би откриле што им се случило на Дезмонд и на Тереза Бенкс, жртвата на убиството. Речиси една година подоцна, во 1989 година, Купер му кажува на Розенфелд во канцелариите во Филаделфија дека претчувствува дека убиецот на Бенкс ќе убие повторно и дека неговата жртва ќе биде млада девојка со руса коса, која е сексуално активна, користи дрога и моли за помош. Розенфелд бргу ја отфрла идејата на Купер.

Купер пристигнува во гратчето Твин Пикс на 24 февруари, 1989 година со цел да ја истражи смртта на Лора Палмер. На крај му помага на шерифот на Твин Пикс во истрагата за други случаи. За време на неговиот престој во Твин Пикс Купер се запознава со мистериозните места, Црната и Белата ложа, како и со духовите што живеат таму. Во последната епизода од Твин Пикс, Купер влегува во Црната ложа за да ја спаси Ени Блекбурн, неговата љубена. Додека е во Црната ложа се среќава со неговиот злобен двојник кој ја напушта Ложата. Купер останува заробен внатре и неговата конечна судбина останува непозната.

Играниот филм „Твин Пикс: Огну оди со мене“ суптилно се надоврзува на настаните поврзани со судбината на Купер во последната епизода од серијата. Во исто време, служи како ретропродолжение што ја прикажува последната недела од животот на Лора Палмер. Во еден момент додека доживува чуден сон во врска со Црната ложа и нејзините жители, Лора се среќава со Купер во нелинеарно поднебје по неговото заробување во Ложата. Купер ја преколнува да не го зема прстенот, мистичен предмет кој на некој начин го поврзува сопственикот со Црната ложа. Веднаш потоа Лора има визија како облеаната со крв Ени Блекбурн лежи покрај неа во креветот, велејќи ѝ : „Се викам Ени. Бев со Дејл и со Лора. Добриот Дејл е во Ложата, но не може да замине. Запиши го ова во твојот дневник.“ (Иако не дознаваме дали Лора го запишува ова во нејзиниот дневник, Харли Пејтон, кој е еден од главните сценаристи во серијата, изјавува во интервју дека таа го сторила тоа.По реконструирање на интервјуата дадени од страна на оние кои учествуваат во серијата, може да се потврди дека во третата сезона ќе го видиме записот на Лора во дневникот, а ќе биде организирана и спасувачка мисија предводена од Мајор Бригс за да го спасат Купер од Црната ложа.)

Во последната сцена од ретропродолжението духот на Лора седи во Црвената соба, а нејзиниот поглед е вперен во Купер кој стои покрај неа насмеан, со неговата рака на нејзиното рамо. По кратко време се појавува ангелот на Лора и филмот завршува. Последната сцена која ја прикажува Лора облечена во бело значи дека таа преминала во Белата ложа. Но, присуството на Купер покрај неа, како и неговата судбина (дали некогаш воопшто ја напушта Црната ложа) останува непозната.