VDSL2

DSL технологии
	Стандард
ADSL	ANSI T1.413 Issue 2 ITU G.992.1 (G.DMT) ITU G.992.2 (G.Lite)
ADSL2	ITU G.992.3/4 ITU G.992.3 Annex J ITU G.992.3 Annex L
ADSL2+	ITU G.992.5 ITU G.992.5 Annex M
HDSL	ITU G.991.1
HDSL2
IDSL
MSDSL
PDSL
RADSL
SDSL
SHDSL	ITU G.991.2
UDSL
VDSL	ITU G.993.1
VDSL2	ITU G.993.2

VDSL2 (од англ. Very-high-speed digital subscriber line 2 = „Дигитална претплатничка линија со многу голема брзина 2“, ДПЛМГБ2) е пристапна технологија што ја искористува постоечката инфраструктура од бакарни жици, првично предвидени за обична телефонија (POTS). Може да се применува од дирекции, шкафови со оптички довод сместени близу просториите на потрошувачите, или пак во рамките на поединечни згради.

VDSL2 е најновиот и најнапредниот стандард за комуникација преку жичени широкопојасни дигитални претплатнички линии (DSL). Предвиден е да пружа повеќенаменска тројна услуга (triple play): глас, видео, податоци, високоразделна телевизија (HDTV) и игри. Се изјавува дека VDSL2 им овозможува на операторите и снабдувачите да ја надградат постоечката дигитална претплатничка инфраструктура постепено, прилагодливо и поволно.

Протоколот е стандардизиран како ITU G.993.2 на 17 февруари 2006.

ITU-T G.993.2 (VDSL2) претставува подобрување на G.993.1 (VDSL) што овозможува пренос на асиметрични и симетрични збирни податочни стапки до 200 Мбит/с дојдовно и појдовно преку усучени парици при појасна широчина од 30 Мхц.

VDSL2 набргу ослабува од теоретскиот максимум од 250 Мбит/с кај изворот, до 100 Мбит/с на оддалеченост од 0,5 км и 50 Мбит/с на растојание од 1 км, но понатаму ослабнува со многу помала стапка, и сепак ја надминува делотворноста на VDSL. Почнувајќи од оддалеченост на 1,6 км, делотворноста му е рамна на онаа на ADSL2+.

Меѓу главните предности на VDSL2 се вбројува далекусежноста и делотворноста на асиметричните дигитални претплатнички линии (ADSL). Системите приспособени за LR-VDSL2 поддржуваат брзина од околу 1–4 Мбит/с (дојдовно) долж растојание од 4–5 км, постепено накачувајќи ја проточноста на симетрични 100 Мбит/с како што се скусува должината на јазолот. Ова значи дека системите засновани на VDSL2 (за разлика од оние на VDSL1), не се ограничени само на кратки локални јазли или MTU/MDU, туку можат да се употребуваат и средносежно.

Профили уреди

VDSL2 е мошне сложен протокол. Стандардот определува широк дијапазон на профили за разни наменски архитектури на VDSL: на пр. во дирекцијата, во шкафот или во зградата.

Профил	Појасна широчина (МХц)	Бр. на носачи	Носечки опсег (кХц)	Моќност (дБм)	Макс. дојдовна пропусност (Мбит/с)
8a	8.832	2048	4,3125	+17,5	50
8b	8,832	2048	4.3125	+20,5	50
8c	8,5	1972	4.3125	+11,5	50
8d	8,832	2048	4.3125	+14,5	50
12a	12	2783	4.3125	+14,5	68
12b	12	2783	4,3125	+14,5	68
17a	17,664	4096	4.3125	+14,5	100
30a	30	3479	8,625	+14,5	200

Поврзано уреди

Наводи уреди

Надворешни врски уреди

DSL на Curlie (англиски)