Хуморски манастир
Хуморскиот манастир ― манастир во комуната Манастиреа Хуморулуј, околу 5 км северно од гратчето Гура Хуморулуј, Романија. Тој е манастир за монахињи посветен на Успението на Богородица. Изграден бил во 1530 година од војводата Петру Рареш и неговиот советник Теодор Бубујог. Манастирот бил изграден над темелите на претходниот манастир кој датирал од околу 1415 година. Хуморскиот манастир бил затворен во 1786 година и не бил повторно отворен дури во 1990 година.
Црквата е заведена од УНЕСКО на нејзиниот список на светски културни наследства, како една од насликаните цркви на Молдавија.
Фрескоживопис уреди
Хуморскиот манастир бил еден од првите насликани манастири во Молдавија со жрески и, заедно со Воронечкиот манастир, веројатно е најдобро зачуван. Доминантната боја на фреските е црвено-кафеава. Главниот сликар одговорен за хуморските фрески, насликани во 1535 година, бил некојси Тома од Сучава.
Предметите на фреските во манастирот вклучуваат Опсадата на Константинопол и Страшниот суд, вообичаени за надворешноста на насликаните манастири во Буковина, но и Химна на Богородица вдахната од поемата на вселенскиот патријарх Сергиј I во врска со чудесната интервенција на Богородица при спасувањето на градот од персиското освојување во 626 година. Сепак, Персијците се прикажани како Турци, што е вообичаен начин во овие манастири, а нивните слики се користат делумно и за политичка пропаганда, покрај нивното духовно значење.
Галерија уреди
-
Црква во Хуморскиот манастир -
Внатрешни фрески -
Олтарот и фрески -
Надворешни фрески -
Мурали -
Мурали -
Мурали -
Мурали -
Мурали -
Мурали
Надворешни врски уреди
- Kocój E., Świątynie, postacie, ikony. Malowane cerkwie i monastyry Bukowiny Południowej w wyobrażeniach rumuńskich, Kraków 2006, Wydawnictwo Uniwersytetu Jagiellońskiego, ss. 444, 120 pf, Świątynie, postacie, ikony. Malowane cerkwie i monastyry Bukowiny Południowej w wyobrażeniach rumuńskich (Temples, persons, icons. Painted churches and monasteries of South Bukovina in Romanian imagology), Wydawnictwo Uniwersytetu Jagiellońskiego, Kraków 2006, s. 440. (семрежна верзија)
- Хуморски манастир
- users.cloud9.net Архивирано на 29 февруари 2012 г.