Коски на прстите

Коските на прстите (латински: ossa digitorum manus) се наречени фаланги 14 на број и претставуваат долги коски.

Коски на прстите
Фотографија од коските на прстите (фаланги)
Фалангите во човечката рака
Податоци
Зглобови	Metacarpophalangeal, metatarsophalangeal, interphalangeal
Латински	Phalanges
[уреди на Википодатоците]

Делови и распоред

Секој прст со исклучок на палецот е составен од три коски- членчиња (латински: phalanges), а палецот од две членчиња;

• на секоја фаланга се разликуваат:
  • тело (латински: corpus phalanges);
  • два краја: горните и средните фаланги на двата краја имаат зглобни површини, а долните фаланги на долните краеви се рапави.

Метакарпални коски

Горните краеви на коските на прстите се граничат со метакарпалните коски (латински: ossa metacarpalia) и служат за поврзување на коските на прстите со коренот на дланката:

• претставуваат пет долги коски, означени со редни броеви идејќи од палецот кон малиот прст.

Делови

На сите метакарпални коски се разликуваат:

• тело (латински: corpus metacarpales);
• два краја: горните краеви се зглобуваат со долниот ред од карпалните коски, а долните краеви се зглобуваат со првите коски од прстите.

Зглобови

Зглобовите на метакарпалните коски и коските на прстите им овозможуваат поврзување со карпалните коски и поврзување со фалангите:

• карпометакарпални зглобови го поврзуваат долниот ред од карпалните коски со горните краеви од метакарпалните коски, со исклучок на зглобот од палецот кој е седлест другите четири зглоба се полуподвижни;
• метакарпофалангеални зглобови ги зглобуваат долните краеви на метакарпалните коски и горните краеви од горните фаланги. Се вршат движења на флексија, екстензија на прстите како и ширење и собирање на прстите;
• интерфагеални зглобови ги поврзуваат меѓу себе фалангите од прстите. Се вршат движења на флексија и екстензија на прстите.

Мускули

Мускули кои помагаат во движење на дланката и прстите:

• латерална група ја сочинуваат четири мускули, кои градат над палецот испакнување наречено тенар и го движат палецот;
• средна група ја сочинуваат единаесет мускули и помагаат во движењето на прстите;
• медијална група ја сочинуваат четири мускули кои градат над малиот прст испакнување наречено хипотенар, учествуваат во движењето на малиот прст.

Галерија

• 
  Фалангите на палецот и показалецот.
• 
  Морфолошки разлики на фалангите на африкански мајмуни и преживеани луѓе.
• 
  Човечки фаланги
• 
  Позиција на метакарпалните коски во човечкото тело.
• 
  Позиција на метакарпалните коски во пределот на левата дланка.
• 
  Облик на метакарпалните коски од лева дланка.
• 
  Рентгенска снимка на дланка.