Убиец на демони
Убиец на демони (јапонски: 鬼滅の刃) — манга од авторот и илустратор Којохару Готоге, серијалирана во списанието за шонен-манга Weekly Shonen Jump на Shueisha од февруари 2016 до мај 2020 г., а подоцна објавено во дваесет и три тома танкобон. Издавачката куќа Viz Media и услугата Manga Plus, во сопственост на Shueisha, се одговорни за распределба на мангата во Северна Америка, а мангата ја има и на македонски јазик (засега само првиот том). Приказната го следи тинејџерот по име Танџиро Камадо, кој станува убиец на демони откако целото негово семејство е убиено од демон, а помладата сестра на Танџиро по име Незуко, единствената преживеана, самата станува демон.
Содржина уреди
Приказната го следи тинејџерот Танџиро Камадо. Откако неговиот татко починал, Танџиро ја презел одговорноста за сите домашни работи. За време на неговиот престој во друго село, каде што продавал јаглен, неговото семејство било убиено. Единствените преживеани членови на семејството се Танџиро и неговата сестра Незуко, која и покрај тоа што е опседната од демон, сепак покажува човечки емоции. Тој сака да ја спаси својата сестра од демонска судбина. Откако заедно побегнале од дома, наидуваат на убиец на демони што не успева да ја убие Незуко. Танџиро успешно го убедува дека неговата сестра сè уште не е целосно демон. Убиецот на демони му предлага начин да ја спаси Незуко од други ловци како него, а тоа е и самиот Танџиро да стане убиец на демони.[1]
Аниме уреди
Мангата била адаптирана во аниме-серија произведена од студиото Ufotable.[2] Се прикажувала од 6 април до 28 септември 2019 г. со вкупно 26 епизоди.[3] На 16 октомври 2020 г., добила продолжение во форма на филм, со наслов „Kimetsu no Yaiba Movie: Mugen Ressha-hen“.[4] Втората сезона се прикажувала од 10 октомври 2021 до 13 февруари 2022 г. со вкупно 18 епизоди. Третата сезона се прикажувала од 9 април до 18 јуни 2023 г. со вкупно 11 епизоди.[5] Најавена е четврта сезона.[6] Четвртата сезона ќе започне да се прикажува на 12 мај 2024 г.[7][8]
Наводи уреди
- ↑ „'Demon Slayer: Kimetsu no Yaiba' Series Review & Summary“. THE MOVIE CULTURE (англиски). 2021-08-08. Посетено на 2021-12-15.
- ↑ Ufotable (англиски), 2021-12-14, Посетено на 2021-12-15
- ↑ Hodgkins, Crystalyn (April 13, 2019). „'FictionJunction feat. LiSA' Performs Ending Theme for Demon Slayer: Kimetsu no Yaiba Anime“. Anime News Network. Посетено на December 6, 2023.
- ↑ Sherman, Jennifer (April 10, 2020). „Demon Slayer: Kimetsu no Yaiba Anime Film Opens on October 16“. Anime News Network. Посетено на December 6, 2023.
- ↑ Loo, Egan (September 25, 2021). „Demon Slayer Anime Unveils New Cast, Songs by LiSA & Aimer, Entertainment District Arc's December 5 Debut, 7-Episode Mugen Train TV Version“. Anime News Network. Посетено на December 6, 2023.
- ↑ Loo, Egan (June 18, 2023). „Demon Slayer Manga's Hashira Geiko Arc Gets TV Anime“. Anime News Network. Посетено на December 6, 2023.
- ↑ Hodgkins, Crystalyn (December 10, 2023). „Demon Slayer: Hashira Training Arc Anime Premieres in Spring 2024 With 'World Tour' in February in 140 Countries“. Anime News Network. Посетено на December 10, 2023.
- ↑ Loo, Egan. „Demon Slayer: Hashira Training Arc Anime's New Video Unveils May 12 TV Debut“. Anime News Network. Посетено на March 9, 2024.
Надворешни врски уреди
| „Убиец на демони“ на Ризницата ? |