Тања Аждаја

Тања Аждаја (1985, Штип) — македонска писател и поетеса.

Творештво

Во 2019 година ги објавила книгата со игри на зборови „Гајле cinema“ и илустрираната книга со игри на зборови и цртежи „Сеир и ништо“ (заедно со Брадестиот Џо). Во 2022 година излегла и нејзината стихозбирка „Зборка“. Покрај тоа, на интернет-порталот „Окно“ објавувала кратки прозни дела, а некои од нив се преведени на хрватски јазик и објавени на интернет-порталот „Čovjek-časopis“. Три нејзини раскази се застапени во антологијата на македонскиот краток расказ „Џинџуџе во земјата на афионите“ (Темплум, 2022).