Ринтелн

Ринтелн (германски: Rinteln) — град во округот Шаумбург, во сојузната покраина Долна Саксонија, Германија.

Ринтелн Rinteln
Поглед на градскиот плоштад со црквата „Св. Никола“ Поглед на градскиот плоштад со црквата „Св. Никола“
Ринтелн
Управа
Земја	Германија
Покраина	Долна Саксонија
Округ	Шаумбург
Градски единици	10
Градоначалник	Томас Пример (СДП)
Основни податоци
Површина	109 км2
Надм. височина	56 м
Население	25.487 (31 декември 2020)
- Густина	234 жит/км2
Други информации
Часовен појас	CET/CEST (UTC+1/+2)
Рег. табл.	SHG, RI
Пошт. бр.	31737
Повик. бр.	05751
Портал	www.rinteln.de
Местоположба на градот Ринтелн во рамките на округот Шаумбург
Карта
Координати	52°11′26″N 9°04′53″E

Се наоѓа на бреговите на реката Везер над градот Порта Вестфалика. Градот Ринтелн е сместен во широка долина помеѓу ридовите на Висорамнините Везер и Липе. Се наоѓа на автопатот А2, 60 километри западно од покраинскиот главен град Хановер и 20 километри од Хамелн.

Географија

Местоположба

Ринтелн е опкружен од југ од Висорамнините Липе, од север од Висорамнините Везер и од исток од Зинтел. Градот припаѓа на Природниот парк Висорамнини Везер Шаумбург-Хамелн.

Градски единици

Покрај самиот град, кон градското подрачје припаѓаат и следниве места:

Ае со Гросер и Клајнер Нелхоф Декберген Енгерн Екстен со Кел Фридрихсвалд Голдбек со Клајн Голдбек и Ној Голдбек

Хоенроде Коленштет Кранкенхаген со Фридрихсхее, Нотберг и Штрифензик Меленбек со Елербург и Хесендорф Шаумбург со Домене Коферден, Остендорф, Пашенбург и Розентал

Штајнберген со Замок Аренсбург Штрикен со Зарбек Ухтдорф со Форстхаус Таубенберг Тоденман со Гут Данкерсен Фолксен со Везеберг Вененкамп со Пасенштајн Вестендорф со Гут Ехтрингхаузен и Вестендорфер Ландвер

Местата се организирани во десет месни совети: Ае-Енгерн-Коленштет, Декберген-Шаумбург-Вестендорф, Екстен, Хоенроде-Штрикен, Кранкенхаген-Фолксен, Меленбек, Ринтелн, Штајнберген, Таубенберг и Тоденман.

Историја

Населбата Ринтелн е основана околу 1150 година на северниот брег на реката Везер. Подоцна, во 1235 година, селото Ној-Ринтелн (буквално: „Нов Ринтелн“) било основано на јужниот брег. Тоа е коренот на денешниот град, откако северното село било напуштено во 1350 година поради чума. Селото израснало во утврден град, кој служел како јужно упориште на грофовите од Шаумбург.

Од 1621 до распуштањето во 1810 година во текот на вестфалската власт под Жером Бонапарт, Ринтелн бил седиште на Универзитетот Ернестина. Кога Грофовијата Шаумбург била поделена во 1640 година, Ринтелн станал административно седиште на источниот дел. Ојленбург (Eulenburg) во Ринтелн станал седиште на грофовите. Ринтелн останал административно седиште на грофовијата и подоцна на округот, додека не бил укинат самиот округ и споен со соседниот округ Шаумбург-Липе во 1977 година.

Во 1875 година била отворена железничката станица.

Меѓународни односи

Поврзано: Список на збратимени градови во Германија

Збратимени градови

Ринтелн е збратимен со следниве градови:

• Кендал, Обединето Кралство
• Славно, Полска

Галерија

• 
  Ојленбург
• 
  Мост на реката Везер
• 
  Поранешниот Универзитет Ернестина
• 
  Градското собрание

Надворешни врски

• Официјална страница (германски)