Македонски: 15-катната зграда на поранешната НИП "Нова Македонија", која има простор од 14.000 квадратни метри.

Моментално, со одлука на владата тука се сместени министерствата за култура, образование, локална самоуправа и информатичко општество. Освен министерствата, во оваа зграда се наоѓаат и Секретаријатот за законодавство, Државниот архив на Македонија, ДИК, Архивот на Службата за општи и заеднички работи на владата, како и Комисијата за заштита на конкурентноста и Управата за матична евиденција.

Најмногу, вкупно девет ката од зградата, на располагање има Министерството за образование и наука, кое целосно се пресели во просториите од седмиот до петнаесетиот кат. Во подрумот, Државниот архив на Македонија ја смести архивската граѓа. Приземјето, дел од подрумските простории и галеријата на зградата ги користи Државната изборна комисија, заедно со Министерството за информатичко општество, кое има простор и на вториот кат. Министерството за локална самоуправа, пак, е на вториот кат од зградата, а на третиот Министерството за култура. На шестиот кат се наоѓаат Секретаријатот за законодавство и Комисијата за заштита на конкуренцијата.