Пет Бенатар

Пет Бенатар
	Бенатар настапува во 2007
Животописни податоци
Родено име	Патриша Меј Анджејевски
Роден(а)	10 јануари 1953 (71 г.); Њујорк, САД
Жанрови	рок; хард-рок; поп-рок;
Занимања	Пејачка; текстописец;
Инструменти	Глас;
Период на активност	1972–денес
Издавачи	Chrysalis; CMC International; Bel Chiasso;

Патриша Меј Жиралдо (моминско: Анджејевски; порано Бенатар; родена на 10 јануари 1953) ― американска рок-пејачка. Четири пати добила Греми награда, а во ноември 2022 година била примена во Куќата на славните на рокенролот.

На музичката сцена се пробила со нејзиниот прв албум од 1979 година, In the Heat of the Night. Две песни од албумот станале хитови: „Heartbreaker“ и „We Live for Love“; втората песна била напишана од нејзиниот главен гитарист и иден сопруг, Нил Жиралдо. Нејзиниот втор албум, Crimes of Passion (1980), се смета за нејзино најуспешно дело. Песната „Hit Me with Your Best Shot“ се пласирала во топ-10 во САД и Канада и се смета за нејзина најпозната песна. Нејзиниот трет албум, Precious Time (1981), исто така бил успешен; бил на врвот на американската листа за албуми и станал нејзин прв топ-10 албум во Австралија. Песната „Fire and Ice“ котирала високо на топ-листите во САД и Канада. Нејзиниот следен албум, Get Nervous (1982), бил помалку успешен за разлика од нејзините претходни два албума.

Во 1983 година го променила музичкиот стил кон поп-музиката. Песната „Love Is a Battlefield“ (1983) била нејзин најголем хит во повеќето земји, и се искачила на прво место во Холандија, Австралија и на американската топ-листа за рок песни. Албумот во живо, Live from Earth, бил нејзин најпродаван албум во Австралија, Германија и Холандија. Во 1984 година, го издала Tropico со водечкиот сингл „We Belong“, кој стигнал до топ-10 во неколку земји.

Од 1985 до 2003 година објавила уште 7 други албуми.

Дискографија уреди

In the Heat of the Night (1979)
Crimes of Passion (1980)
Precious Time (1981)
Get Nervous (1982)
Live from Earth (1983)
Tropico (1984)
Seven the Hard Way (1985)
Wide Awake in Dreamland (1988)
True Love (1991)
Gravity's Rainbow (1993)
Innamorata (1997)
Go (2003)

Оваа статија за пејач е никулец. Можете да помогнете со тоа што ќе ја проширите.