Неранимајковци
Неранимајковци (англиски: Superbad) — американска младешка комедија од 2007 г., во режија на Грег Мотола, со Џона Хил и Мајкл Сера во главните улоги. Сценариото било на Сет Роген и Еван Голдберг, кои почнале да го пишуваат кога и двајцата имале 13 години, а на 15 години веќе го завршиле првиот нацрт. Имињата на главните ликови се исти како и имињата на Роген и Голдберг.[5][6]
| „Неранимајковци“ | |
|---|---|
 Плакатот на филмот | |
| Режисер | Грег Мотола |
| Продуцент | |
| Сценарист | |
| Главни улоги | |
| Музика | Лајл Воркмен |
| Кинематографија | Рус Олсобрук |
| Монтажа | Вилијам Кер |
| Студио | |
| Дистрибутер | Sony Pictures Releasing |
| Премиера | 13 август 2007 г. (Grauman's Chinese Theatre)[1] 17 август 2007 г. |
| Времетраење | 113 минути[2] |
| Земја |  САД |
| Јазик | англиски |
| Буџет | 17,5 — 20 милиони долари[3][4] |
| Бруто заработка | 170,8 милиони долари[4] |
Содржина уреди
Сет и Еван се двајца откачени средношколци што се пријатели уште од детството. На училиште се понижувани, а само сонуваат за внимание од девојките. Наскоро ќе дипломираат и ќе студираат на факултет — итно треба да ја подобрат нивната положба во очите на нежниот пол. По часот по домашна економија, на кој Сет работи заедно со убавата Џулс, момчето станува посмело и започнува разговор со неа. Излегува дека Џулс ќе организира забава. Еван, исто така, собира смелост и ја поканува својата сакана Бека на забавата. Момците им ветуваат на девојките дека проблемот со алкохолот ќе го преземат на себе.
Фогел, соученик на Сет и Еван и колега „откаченик“, признава дека набавил лажни документи и може да купи алкохол во продавница. Во документите на Фогел тој е наведен како „Меклавин“ (англ. McLovin). Немирен од страв, Фогел оди да купи алкохол, но токму во тој миг продавницата е ограбена и Фогел добива удар во главата од злосторникот. Продавачката се јавува во полиција. Стоејќи надвор, Сет и Еван се уверени дека нивниот другар е фатен со лажни документи. Сепак, полицајците Слејтер и Мајклс се покажуваат мирољубиви и му нудат на Фегел возење до забавата. Сет, панично бегајќи од продавницата, го удира кола. Му паѓа на памет да го уценува возачот, кој е на условен отпуст. Сет го принудува возачот да им земе повеќе алкохол, инаку ќе се јави во полиција. Возачот ги носи на друга забава каде што можат да добијат алкохол. Сет и Еван крадат алкохол, го истураат во канти што ќе ги најдат и бегаат.
Во меѓувреме, Слејтер и Мајклс му даваат на Фогел возење со службено возило. Додека се на должност пијат алкохол, пеат и пукаат на сите страни. Во тој миг, Сет и Еван бегаат од забавата и Сет повторно го удира кола — само, овој пат е полициското возило во кое се возел Фогел. Момците успеваат да избегаат и да стигнат до забавата на Џулс со алкохолот недопрен. На забавата, приказните на момците за полицијата и престрелката создаваат возбуда, а момците го бараат вниманието на поднапиените девојки. Сет се обидува да ја бакне Џулс, но таа се спротивставува. Сет се онесвестува од пиење и, паѓајќи, случајно ѝ задава модринка. Еван се повлекува со Бека, но тој самиот не е подготвен да преземе активни дејства, бидејќи премногу ја почитува и не сака да има полов однос со пијана девојка. Идилата ја нарушуваат Слејтер и Мајклс, кои упаѓаат на забавата. Сет и Еван бегаат од нив. Полицајците влегуваат во собата токму кога Фогел има полов однос со девојка. Полицајците во последен миг неочекувано му признаваат на Фогел дека не му се лути и се подготвени да го пуштат, иако знаат за неговата измама со документите. Фогел склучува договор со своите нови пријатели и глумат лажно апсење, што остава голем впечаток на целата пијана група. На пат од забавата, полицајците одлучуваат да ја напуштат службата и заедно со Фогел со службеното оружје пукаат во автомобилот и го палат со молотовов коктел.
Следниот ден, Сет и Еван се среќаваат со Џулс и Бека во трговскиот центар. По некоја незгодност, момците сфаќаат дека девојките не им се лути. Тие се делат во парови и заедно одат на пазарење.
Улоги уреди
| Глумец | Улога |
|---|---|
| Џона Хил | Сет |
| Мајкл Сера | Еван |
| Кристофер Минц-Плас | Фогел „Меклавин” |
| Сет Роген | полицаецот Мајклс |
| Бил Хејдер | полицаецот Слејтер |
| Марта Макајзак | Бека |
| Ема Стоун | Џулс |
Наводи уреди
- ↑ Netburn, Deborah (August 14, 2007). „'Superbad' premiere chock-full of comedic superstars“. Orlando Sentinel. Посетено на December 26, 2022.
- ↑ „Superbad (15)“. British Board of Film Classification. July 5, 2007. Посетено на June 1, 2019.
- ↑ „Superbad (2007) – Financial Information“. The Numbers.
- ↑ 4,0 4,1 „Superbad (2007)“. Box Office Mojo. IMDb.
- ↑ „Неранимајковци“. Max (англиски). Посетено на 2023-09-12.
- ↑ Lu, Garry (Jul 30, 2021). „Why 'Superbad' Is The Greatest Millennial Comedy Of All Time“. Boss Hunting.
Надворешни врски уреди
- Superbad на
Семрежната филмска база на податоци (англиски)
