Неверни години (книга)
Неверни години - записи, искази и прераскази е книга од македонскиот писател Петре М. Андреевски од 1974 година. Книгата содржи записи, патописи и сеќавања.
Технички податоци уреди
Книгата за првпат е објавена во 1974 година од издавачката куќа „Македонска книга“. Книгата има 171 страница, не е каталогизирана и ја нема меѓународната ознака ISBN. Нацртот на корицата го направил Спасе Куновски, коректурата ја извршила Драга Стефанова, а книгата била испечатена во Графичкиот завод „Гоце Делчев“ во мај 1974 година, а во тираж од 1.000 примероци. На книгата е назначена и нејзината продажна цена од 50 динари. Издавањето на книгата било помогнато од Републичкиот фонд за унапредување на издавачката дејност на СРМ.[1]
Содржина уреди
Книгата содржи 14 записи, раскази, сеќавања, патописи и репортажи:[1]
- На разминување со набожните боси души
- Едно видување со Мариово
- Играта на старците - Последното оро на Кузета Кузмана
- Берово летото 1969-73
- Благото невреме на слепиот трубадур
- Крајпатјето и трите меани
- Вирово
- Места што ги паметувам, јадења што не ги заборавам
- Почетокот на летото и крајот на дедо ми
- Вампир
- Шлаканица
- Лубеница
- Исчезнатиот сведок
- Закопот на селскиот виолинист Ѓорѓија Димоски