Ментеш Камхи

Ментеш Моше Камхи — македонски револуционер од еврејско потекло, член на Внатрешната македонско-едринска револуционерна организација.

Ментеш Камхи
Роден	1877 Битола, Македонија тогаш Отоманско Царство
Починал	1943 Битола, Македонија тогаш Бугарско Царство

Животопис

Ментеш Камхи е роден во 1877 година во Битола, тогаш во Османлиското Царство.

Татко му, Моше Соломон Камхи, бил банкар, претприемач и снабдувач на турската војска. Мајка му, Роза Батино, потекнувала од прочуено граѓанско семејство од Јанина. На двегодишна возраст останал без татко, а десет години потоа починала и мајка му.

По Солунскиот конгрес, брат му Рафаел Камхи добил значајна и одговорна задача: организатор на финансиските акции за помош на Организацијата, нејзин специјален курир и врска меѓу солунскиот Централен комитет, битолскиот Окружен комитет и Задграничното претставништво на Организацијата во Софија.

Во оваа активност учествувал и Ментеш. Активноста била откриена од турските власти, па ноќта на 17 мај 1903 година, турска патрола влегла во домовите на семејствата во битолското маало Али Чауш и со себе ги одвела браќата Рафаел и Ментеш Камхи. По пет-шест дневно задржување во битолската зандана, без да бидат изведени пред суд, само врз основа на полициски извештај од 21 мај 1903 година и службено писмо 133, тие биле депортирани во Дебар.

Заради поткупливоста и тромавоста на турската администрација, браќата се движеле слободно во Дебар, се поврзале со тамошната организација и учествувале во Илинденското востание.

Починал во 1943 година. Семејството му останало во Битола.