Меланхолија (Мунк)

Меланхолија (норвешки: Melankoli; исто така позната како Јапе на плажа, Љубомора или Вечер) ― слика на норвешкиот уметник Едвард Мунк. Мунк насликал повеќе варијантни верзии на експресионистичкото маслено дело на платно во периодот 1891–1893 година. На сликата е прикажан човек со главата потпрена во раката, замислено расположение на работ на крајбрежјето.

Меланхолија

норвешки: Melankoli
Творец	Едвард Мунк
Година	1891
Димензии	72 см × 98 см
Место	лична збирка

Вдахновението за сликата била несреќна романтична афера во која бил вмешан пријателот на Мунк, Јапе Нилсен. Во сликата на Мунк, фигурата на меланхоличниот човек е десно, а неговото расположение е претставено со брановито крајбрежје и поднебје кои се протегаат кон лево. Критичарите предложуаат дека има и еротски алузии, можеби во присуство на Месечината што се одразува на водата. Пејзажот ја претставува плажата на Осгордстранд каде што летувал Мунк уште од 1889 година.

„Меланхолија“ била изложена во 1891 година на Есенската изложба во Осло. Уметникот и новинар Кристијан Крог и дал заслуг како прва симболистичка слика на еден норвешки уметник. Мунк насликал повеќе од една верзија на композицијата во 1891 година. Завршената верзија во 1892–93 година е во Националната галерија во Осло.

Други верзии

• 
  Вечер. Меланхолија, 1891. Масло, молив и боица на платно. 73 × 101 см. Мунков музеј, Осло.
• 
  Меланхолија, 1892. Масло на платно. 64 х 96 см. Национална галерија, Осло.
• 
  Меланхолија, 1893. Масло на платно. 86 × 129 см. Мунков музеј, Осло
• 
  Меланхолија, 1894–1896 година. Масло на платно. 81 × 100,5 см. Ликовен музеј Берген, Берген.
• 
  Вечер. Меланхолија I, 1896. Дрворез . 41,1 × 55,7 см. Мунков музеј, Осло.
• 
  Вечер. Меланхолија I, 1896. Дрворез. 37,2 × 45,2 см.