Македонец (филм)
Македонец (полски: Macedończyk) — полски документарен филм посветен за децата-бегалци од Егејска Македонија. Филмот е снимен од режисерот Петро Алексовски, син на главниот лик во филмот „Македонец“. Бил финансиран од Полскиот филмски институт.
| „Македонец“ | |
|---|---|
 Плакат на филмот „Македонец“ | |
| Режисер | Петро Алексовски |
| Продуцент | Петро Алексовски Барбара Алексовска |
| Сценарист | Петро Алексовски |
| Жанр | документарен |
| Музика | Синтезис |
| Монтажа | Мирослав Шевчик |
| Премиера | 2013 |
| Времетраење | 46 мин. |
| Земја |  Полска |
Снимен е по повод 65-годишнината од пристигнувањето на децата-бегалци во земјите од Источна Европа. Премиерно бил прикажан на 31 мај 2014 година на филмскиот фестивал во Краков.[1]
Синопсис уреди
Во 1948 година кога започнува Граѓанската војна во Грција, грчката комунистичка партија испратила барање до социјалистичките европски земји да прифатат деца-бегалци од воените подрачја на Грција и да им дадат нов дом. 3.500 деца завршиле во Полска, од кои половината биле Македонци од Егејска Македонија. Помеѓу нив бил и малиот Мито Клавчов.
Филмот „Македонец“ е посветен на околу 1.750 деца на кои Грција им ги затвора своите граници и денес и не им дозволува да влезат на нејзина територија поради нивните македонски корени. Грција донела низа закони со кои им ги укинала нивните државјанство и ги протерала со што не смеат да се вратат во татковината.
Спречен од можноста за враќање дома, главниот лик во филмот, населен во северна Полска, каде и живее, го праќа неговиот син да го најде гробот на татко му.
Награди уреди
- Награда за најдобар филм, Гдањски фестивал за документарни филмови
Наводи уреди
- ↑ „Проекција на филмот,,Македонец" во Прага“. Утрински весник. Скопје: МПМ Македонија. 7 декември 2014. Посетено на 4 април 2016.[мртва врска]
Надворешни врски уреди
- Официјално мрежно место Архивирано на 31 март 2016 г. (полски) (англиски)
- За филмот на Polish Docs