Лепрекон
Лепрекон (ирски: leipreachán) — митолошко суштество од ирскиот фолклор. Обично е човече во зелена облека со долга црвена брада. Според некои, лепреконите се кријат под детелина со четири листа, која ги прави тешко да се најдат. Според народните преданија, ако видите лепрекон, тој ќе побегне. Ако го изгубите од вид само за миг, ќе исчезне засекогаш.[1] Но ако го догоните и фатите, лепреконот ќе ви даде невидено богатство. Некогаш се вели дека на крајот од виножитото има златници што можат да ви се дадат доколку ги фатите човечињата. Во денешно време, лепреконите се поврзуваат со Денот на Свети Патрик. Некои лепрекони се познати по тоа што прават чевли за други волшебни суштества (елфови, самовили итн.). Во ирската митологија, лепреконот е џуџест чевлар.[2] Ги прави чевлите на самовилите, а ударите на чевларскиот чекан го издаваат неговото присуство.[3][4]
Наводи уреди
- ↑ Yeats, William Butler (1888), „The Legend of Knockgrafton“, Fairy and Folk Tales of the Irish Peasantry, London: W. Scott, p. 80.
- ↑ Winberry, John J. (1976). „The Elusive Elf: Some Thoughts on the Nature and Origin of the Irish Leprechaun“. Folklore, 87 (1), p. 63.
- ↑ „Англиско-македонски речник од Зозе Мургоски“. zoze.mk. Посетено на 2023-04-26.
- ↑ Александра Филиповска, Митски суштества, Топер, Скопје, 2013.
Надворешни врски уреди
Дела поврзани со Лепрекон на Викиизвор
