Игор Лозаноски
Игор Лозаноски (Скопје, 7 февруари 1990) — македонски поет и раскажувач.
| Игор Лозаноски | |
|---|---|
.jpg) Игор Лозаноски во ноември 2021 година | |
| Роден/а | Игор Лозаноски 7 февруари 1990 Скопје, СФРЈ (денес Македонија) |
| Занимање | поет, раскажувач |
| Националност | Македонец |
| Образование | дипломиран економист |
| Апсолвент на | Економски факултет - Скопје |
| Жанр | постмодернизам |
Животопис уреди
Игор Лозаноски е роден во 1990 година во Скопје. Дипломирал на насоката за Менаџмент на Економскиот факултет на Универзитетот „Св. Кирил и Методиј“. Вработен е во приватно претпријатие.
Творештво уреди
Лозаноски почнал да пишува поезија и проза на 10-годишна возраст. Своите први песни ги објавил во 2006 година, во средношколскиот училиштен весник „Орце Инфо“.[1] Автор е на збирките поезија „Така дуваше ветерот – Барок и романтизам“ (2018) и „Плодови на минатото“ (2020), како и на збирките раскази „Исповед на еден телевизор“ (2020) и „Сончогледите гледаат на запад“ (2021).[2] Во 2020 година, за збирката раскази „Исповед на еден телевизор“ ја добил наградата „Новите!“ за најдобар дебитантски прозен ракопис.[1] Неговите дела се објавени и во неколку книжевни списанија („Раст“, „Современост“, „Книжевни елементи“), а се застапени и во неколку македонски антологии.[3]
Творештво уреди
- „Така дуваше ветерот – Барок и романтизам“ (поезија, 2018)
- „Плодови на минатото“ (поезија, 2020)
- „Исповед на еден телевизор“ (раскази, 2020)
- „Сончогледите гледаат на запад“ (раскази, 2021)
Наводи уреди
- ↑ 1,0 1,1 Д., Т.. „Темплум: Игор Лозаноски ја доби наградата „Новите!“ за 2020 година“. Слободен Печат.
- ↑ „Промоција на збирката кратки раскази од Игор Лозаноски Архивирано на 23 декември 2021 г.“. МКЦ.
- ↑ Игор Лозаноски, Исповед на еден телевизор', Темплум, Скопје, 2020, стр. 63-64.