Еребица камењарка
| Еребица камењарка | |
|---|---|
| |
| Научна класификација | |
| Царство: | Животни |
| Колено: | Хордати |
| Класа: | Птици |
| Ред: | Кокошковидни |
| Семејство: | Phasianidae |
| Потсемејство: | Perdicinae |
| Род: | Alectoris |
| Вид: | Еребица камењарка |
| Научен назив | |
| Alectoris graeca (Meisner, 1804) | |
| Подвидови | |
|
види во текстот | |
| Синоними | |
|
Perdix graeca Meisner, 1804 | |
Еребицата камењарка (Alectoris graeca) е од семејството на фазаните, редот на кокошковидните. Распространета е во југозападниот дел на Азија и југоисточна Европа. Еребицата камењарка ја има и во Македонија.
Опис уреди
Еребицата камењарка има округол облик, а боите ѝ се слични на боите на камењата. Претежно е сива, со светлокафеав грб, сиви гради и кремава боја на стомакот. Лицето ѝ е бело со црни линии, а на крилјата има коцкести шарки. Нозете ѝ се црвени. Кога ќе се вознемири, таа претопчита да трча повеќе отколку да лета, но ако е неопходно ќе прелета кратко растојание. Има должина до 36 см, а распонот на крилјата може да ѝ достигне до 60 см. [2]
Живеалиште и размножување уреди
Оваа еребица живее на суви и отворени места, често во ридест предел. Создава мали јата и не е птица преселница. По острите и бучни звуци, како „га-га-га-га-чакара-чакара-чакара“, се разликува од сличните на неа птици. Гнездото го прави на земја, едвај постилајќи некое гранче, и несе од 5 до 21 јајце. Се храни со разни семиња и инсекти.
Статус уреди
Овој вид е во опаѓање во делови од нејзиниот опсег што се должи на загубата на живеалиштата и на претераниот лов. И покрај тоа што генерално успева да се одржи како вид, статусот на Сицилија заслужува внимание.
Систематизација уреди
Има три подвида (McGowan 1994), кои се разликуваат претежно во боите, но и според молекуларните студии (Randi 2006):
- A. g. graeca (Meisner, 1804) - Источна еребица камењарка
- Источна Босна и Херцеговина до Грција, Бугарија, Македонија.
- A. g. saxatilis (Bechstein, 1805) - Централна еребица камењарка
- Јужниот дел на Алпите до западна Босна и Херцеговина.
- A. g. whitakeri Schiebel, 1934 - Сцилијанска еребица камењарка
- Само на Сицилија.
Наводи уреди
- ↑ BirdLife International (2012). „Alectoris graeca“. IUCN Red List. Version 2012.1. International Union for Conservation of Nature. Посетено на 16 July 2012.
- ↑ НП Галичица
- McGowan, Philip J. K. (1994): 11. Rock Partridge. In: del Hoyo, Josep; Elliott, Andrew & Sargatal, Jordi (editors): Handbook of Birds of the World, Volume 2: New World Vultures to Guineafowl: 485, plate 43. Lynx Edicions, Barcelona. ISBN 84-87334-15-6
- Randi, Ettore (2006): Evolutionary and conservation genetics of the rock partridge, Alectoris graeca. Acta Zoologica Sinica 52(Supplement): 370–374. PDF fulltext Архивирано на 3 март 2016 г.