Девичка Река
Девичка Река или Мала Река — река во Поречието, западна Македонија, помала лева притока на Треска која ја прима спротиводно на 76,7 км од својот влив.[1] Извира на источните падини на планината Песјак на надморска височина од 1.595 м, се влева во Треска на 515 м кај селото Девич.
| Девичка Река Мала Река | |
|---|---|
| Местоположба | |
| Физички особености | |
| Извор | |
| • место | Песјак, кај с. Грешница, Порече |
| • координати | 41°32′51″N 21°08′25″E / 41.54750° СГШ; 21.14028° ИГД |
| • надм. вис. | 1.595 м |
| Устие | |
• место | Треска, с. Девич, Порече |
• координати | 41°33′07″N 21°13′44″E / 41.55194° СГШ; 21.22889° ИГД |
• надм. вис. | 515 м |
| Должина | 9,1 км |
| Големина на сливот | 21,7 км2 |
| Особености на сливот | |
Физички особености уреди
Вкупната должина од изворот до вливот и изнесува 9,1 км,[1] а минималната должина е 8,0 км. Вкупниот пад помеѓу изворот и вливот е доста висок и изнесува 1.080 м а просечниот е исто така висок и изнесува 118,7‰. Вкупната должина на водоразделната линија и изнесува 19,5 км а сливот зафаќа 21,7 км2 или 1,1% од вкупната површина на сливот на реката Треска.[1]
Течение уреди
Реката извира меѓу врвите Седлар и Стари Говедарник на планината Песјак, западно од с. Грешница и северозашадно од с. Требино. Тече стрмно надолу под возвишенијата Црквиште и Долно Ќафе во североисточен правец и по Свештенички Рид свртува во југоисточен правец, одминувајќи го селото Грешница на север. Потоа реката стрмно се спушта продолжува под ридот Вртешка од десната страна и меѓу него и ридот Попец свртува на север, и веднаш потоа на исток. Тука ја прима реката Уча и продолжува во рамницата на с. Девич, поминува низ селото и потоа се влева во Треска, под возвишението Камениште од североисточна страна.
Долина уреди
Долината на Девичка Река е мошне стрмна. Во изворишниот дел е всечена во кристалести шкрилци и го пресекува појасот од плиоценски конгломерати и глини, а во долниот тек со тесни и кратки сатески се пробива низ доломитската зона.[1]