Вацлавски плоштад
Вацлавски плоштад или Вацлавски намести (чешки: Václavské náměstí) — еден од главните градски плоштади на Прага и центар на деловните и културните заедници во Прага и место со најпрометниот пешачки сообраќај во целата земја[1]. Многу историски настани се одиграле на овој плоштад, и тој претставува традиционално собиралиште за протести, демонстрации, прослави, и други јавни собирања. Плоштадот е именуван по Вацлав I, војводата од Бохемија, канонизиран од црквата како Свети Вацлав - патрон на Бохемија.
Порано плоштадот се викал „Коњски пазар“, поради намената што повремено ја имал во средниот век, но името му е променето во 19. век. Се протега во насока северозапад-југоисток, има правоаголна површина и долг е 750м, а југоисточната страна е на возвишение, поради што повеќе наликува на булевар отколку на плоштад. Вкупната површина на плоштадот е 45.000м². На највисоката точка се наоѓа големата неокласицистична зграда на Народниот музеј. Статуата на Вацлав I качен на коњ доминира на возвишението, пред музејот.
Изграден е од Карло IV (Карло Велики) во 1348. година кога е основан и „Новиот Град“ на Прага. Тој е дел од историскиот центар на Прага, место вклучено во списокот на светско наследство[2].
Наводи уреди
- ↑ „Tepnou pěší dopravy v Praze je horní část Václavského náměstí. Za hodinu tam projde přes 4 tisíce lidí“. iROZHLAS (чешки). Посетено на 2019-08-21.
- ↑ „Historic Centre of Prague - World Heritage Site - Pictures, info and travel reports“. Архивирано од изворникот на 15 January 2004. Посетено на 30 April 2016.
 | Оваа статија од областа на географијата е никулец. Можете да помогнете со тоа што ќе ја проширите. |
Координати: 
50°04′53″N, 14°25′39″E