Белокрила црнка
| Белокила црнка | |
|---|---|
| |
| Научна класификација | |
| Царство: | Животни |
| Колено: | Хордати |
| Класа: | Птици |
| Ред: | Гусковидни |
| Семејство: | Патки |
| Потсемејство: | Merginae |
| Род: | Melanitta |
| Вид: | Белокрила црнка |
| Научен назив | |
| Melanitta fusca (Карл Лине, 1758) | |
Белокрила црнка (Melanitta fusca) — вид птица од семејството патки, редот на гусковидните. Ја има во Македонија.
Распространетост уреди
Оваа патка гнезди во северните делови на Европа, Азија и Северна Америка. Зимува на Балканскиот Полуостров (вклучително и Македонија), Велика Британија и јужните делови на Северна Америка. Мали, изолирани популации се среќаваат во источна Турција.
Опис уреди
Таа се одликува со својата обемна форма и голем клун. Таа е најголемата црнка со должина од 51-58см, со тежина од 0,8 до 2 килограми и распон на крилјата околу 95 см. Мажјакот целиот е црн, освен белата дамка околу очите и неколку бели летечки пердуви. Женките се кафени со два пара бели дамки на двете страни на нивната глава и еден пар од бели линии на нивните крила.
Живеалиште и исхрана уреди
Овие патки живеат близу езера, мочуришта, бавни реки, густо обраснати со водни растенија. Се хранат претежно со животинска храна: ситни рипчиња, мали мекотели, ларви од инсекти, ракчиња и сл. Нурка околу 14 метри во длабочина и може да остане под вода повеќе од 1 минута.
Размножување уреди
Моногамни птици се и годишно одгледуваат само едно легло. Гнездат неколку метра од вода, на места обраснати со густа вегетација. Несат 5-17 кремасти јајца, тешки 92 грама и со размер 72 х 48 мм. Ги лежи само женката 25-31 ден, а малечките се испилуваат доволно развиени за да можат сами да се хранат.
Наводи уреди
- ↑ BirdLife International (2012). „Melanitta fusca“. IUCN Red List. Version 2012.1. International Union for Conservation of Nature. Посетено на 16 July 2012.
Надворешни врски уреди
- White-winged Scoter Species Account – Cornell Lab of Ornithology
- White-winged Scoter – Melanitta fusca – USGS Patuxent Bird Identification InfoCenter