Јунион (остров)
Остров Јунион (англиски: Union Island) е остров во Свети Винцент и Гренадини. Островот е дел од архипелагот Гренадини. Јунион има вкупна површина од 9 км2. Островот се наоѓа на 200 километри југозападно од независната држава Барбадос, а сосема блиску е до островите Каријаку и независната држава Гренада.[1]
Union Island | |
---|---|
Меѓународен аеродром Јунион Ајланд | |
Географија | |
Место | Карипски Острови |
Координати | 12°36′N 61°26′W / 12.600° СГШ; 61.433° ЗГД |
Површина | 3,5 sq ми |
Должина | 3 ми (5 км) |
Ширина | 1 ми (2 км) |
Највисоко издигнување | 999 ст (304,5 м) |
Највисока точка | Табои |
Управување | |
Најголема | Клифтон |
Демографија | |
Население | ~ 3,000 (2012) |
Јазици | англиски, француски, германски |
Дополнителни податоци | |
Часовен појас | |
Мреж. место | Travel guide of Union Island with street map of the town |
Главни населени места на островот се Клифтон и Ештон. Јунион има население од околу 3000 жители.[2] Како и во остатокот од земјата, така и на Јунион службен јазик е англискиот.
На Јунион има и меѓународен аеродром, кој има домашни и меѓународни (воглавно во околните држави) летови. Во непосредна близина на Јунион има две мали островчиња: Фригата и Хепи.
Географија уреди
Островот има вкупна површина од 9 км2. Јунион е долг 4.8 километри, а широк 1.6 километри. Највисока точка на островот е Табои со 304 метри надморска висина.
Јунион има полусува клима. Брдата на островот не се доволно високи за да се создадат чести врнежи.
Историја уреди
Островот бил првично населен од Араваците и Карибите. Потоа, со европската колонизација, на островот дошле Французи и Англичани, воглавно трговци со робови и сопственици на плантажи. Со нив тие донеле стотици Африканци, од регионот на Нигерија, Камерун, Ангола и Гана.
Кога било укинато ропството, луѓето продолжиле со земјоделството и риболовот.
Во 1970-тите имало мал револт на островот со што народот сакал островот да се отцепи од Свети Винцент и Гренадини и да се припои со Гренада. Овој револт брзо бил задушен.
Култура уреди
За време на Велигден на островот има фестивали, поточно во Ештон и Клифтон. Цела седмица има организирано настани и перидот е познат како „Истервал“.
Во мај, на крајот на сушната сезона, се одржува настанот „Марун“. Овој настан е целодневен. Фестивалот е препознатлив по тапаните, пеењето и танцувањето. Овој фестивал се одржува поради исчекувањето на влажната сезона.
Галерија уреди
-
Поглед кон плажа во Клифтон.
-
Пристаниште во Клифтон.
-
Меморијален парк во Клифтон.
-
Аеродромот во Клифтон.
Наводи уреди
- ↑ (француски) Union Island (St Vincent)
- ↑ „St Vincent and the Grenadines, Population and Housing Census Preliminary Report“. The Census Office, SVG Government. Посетено на 31 December 2015.
Поврзано уреди
Надворешни врски уреди
- Radio Grenadines Архивирано на 28 август 2018 г.
- Туристички водич за Јунион
- Tobago Cays Marine Park
- Friends of Union Island