Ѓорѓи Христов (фудбалер)
Ѓорѓи Христов (30 јануари 1976, Битола, Македонија) — македонски поранешен фудбалер и тренер.
| Ѓорѓи Христов | |||
|---|---|---|---|
| Лични податоци | |||
| Роден на | 30 јануари 1976 | ||
| Роден во | Битола, СР Македонија, СФРЈ | ||
| Висина | 1,82 м | ||
| Позиција | Напаѓач | ||
| Младинска кариера | |||
| 1991-1994 | Пелистер | ||
| Кариера* | |||
| Години | Клуб | Наст. | (Гол.) |
| 1992–1994 | Пелистер | 34 | (11) |
| 1994–1997 | Партизан | 61 | (21) |
| 1997–2000 | Барнсли | 45 | (8) |
| 2000–2003 | Нејмехен | 55 | (18) |
| 2003–2004 | Зволе | 13 | (4) |
| 2005 | Данфермлин Атлетик | 8 | (0) |
| 2005 | Дебрецен | 2 | (0) |
| 2006 | Хапоел Назарет | 7 | (3) |
| 2006 | Ники Волос | 6 | (0) |
| 2007 | Олимпијакос Никозија | 6 | (0) |
| 2007–2008 | Ден Бош | 27 | (8) |
| 2008-2009 | Баку | 15 | (9) |
| 2009-2010 | Јуваскула | 9 | (1) |
| Репрезентација | |||
| 1995–2005 | Македонија | 48 | (16) |
| *Настапи и голови само на првенствени натпревари | |||
Играчка кариера уреди
Младинска клупска кариера уреди
Роден во Битола, Христов започнал со неговиот роден клуб Пелистер односно во неговиоте младински категории. Таму бил забележан од Цане Грбевски.[1]
Сениорска клупска кариера уреди
На 16 години, Христов започнал да настапува во првиот состав на Пелистер, пред да премине во Партизан во 1994 година.[1] Следните три сезони ги поминал во црно-белите, победувајќи едноподруго првенства во 1995/96 и 1996/97. Во јуни 1997 година, Христов бил продаден на англискиот клуб Барнсли за сума од £ 1,5 милиони.[2][3] Тој постигнал 8 лигашки голови во неговата дебитантска сезона со клубот, но клубот претрпел испаѓање од Премиер лигата.[4] Во следните две години, Христов пропуштил многу натпревари поради повреда на коленото, пред на крајот да го напушти клубот во 2000 година. Тој потоа се приклучил на холандскиот клуб Нејмехен.[1][5] Тој се преселил во Ередивисискиот клуб Зволе во летото 2003 година.[6][1]
Потоа играл за шкотски Данфермлин Атлетик, унгарски Дебрецен, израелски Хапоел Назарет, грчки Ники Волос (играл само пријателски натпревари),[7] кипарски Олимпијакос Никозија, холандски Ден Бош и азербејџански Баку[1] Тој има играно на пријателски натпревари и со Рапид Виена.[7] Христов во февруари потпишал за Вардар. Таму не останал долго и во јули се преселил во финска Јуваскила.[1][8]
Меѓународна кариера уреди
Христов одиграл 48 натпревари за Македонија, постигнувајќи гол на своето деби во ремито 2–2 против Ерменија на 10 мај 1995 година.[1] На 9 ноември 1996 година, Христов и Македонија го победиле Лихтенштајн со 1-11. Ѓорѓи Христов бил во почетната единаесетка и постигнал гол во 23. минута.[9][10] На 2 април 1997 година, при победата од 3:2 против Ирска, во Скопје, Христов постигнал 2 гола.[1] Тој постигнал вкупно 16 гола за репрезентацијата, со што е втор стрелец во историјата на македонскиот фудбал, само зад Горан Пандев. Неговиот последен меѓународен натпревар бил во март 2005 година при квалификациита за Светското првенство 2006, против Холандија.[11]
Тренерска и стручна кариера уреди
На 4 октомври 2011 година, Христов ја презел тренерската позиција во Металург,[12] иако, поради немањето професионална тренерска лиценца, формално како тренер на клубот бил воден Александар Влахо. Меѓутоа, по поразот од Шкендија од 1:5 во реваншот од четврт-финалето на Купот на Македонија, во ноември 2012 година, Христов си поднесол оставка.[13]
На 18 јуни 2018 година, Ѓорѓи Христов станал директор на академијата на Вардар.[14]
Согласно 15 јануари 2022 година, Христов е во стручниот штаб на ФК Парк Сити.[15]
Наводи уреди
- ↑ 1,0 1,1 1,2 1,3 1,4 1,5 1,6 1,7 Зоран Михајлов (3 декември 2018). „Ѓорѓи Христов – мајстор за голови“. Нова Македонија. Архивирано од изворникот 2018-12-03. Посетено на 1 август 2023.
- ↑ „Football: Gray begins managerial talks at Everton“. The Independent. 16 јуни 1997. Посетено на 1 август 2023.
- ↑ Здравески, Филип (13 јуни 2016). „Денот кога Ѓорги Христов направи рекорден трансфер во новиот премиерлигаш“. macedonianfootball.com. Архивирано од изворникот 2016-06-18. Посетено на 1 август 2023.
- ↑ „Football: Barnsley defiant to the end“. The Independent. 10 мај 1998. Посетено на 1 август 2023.
- ↑ NEC stats - NEC Archief
- ↑ Hristov crosses to Zwolle - UEFA
- ↑ 7,0 7,1 Зоран Михајлов (10 февруари 2009). „Христов во Вардар“. ohridnews.com. Архивирано од изворникот 2023-08-03. Посетено на 3 август 2023.
- ↑ „Ништо од Христов во Вардар. Отиде во Финска...“. MacedonianFootball. 13 јули 2009. Архивирано од изворникот 2023-08-03. Посетено на 3 август 2023.
- ↑ Здравески, Филип (10 јануари 2009). „LIE – MKD match report“. macedonianfootball.com. Архивирано од изворникот 2019-06-29. Посетено на 1 август 2023.
- ↑ „Пред 26 години, Македонија ја оствари најубедливата победа, 11-1 во Лихтенштајн!“. sport1.mk. 9 ноември 2022. Архивирано од изворникот 2023-07-31. Посетено на 1 август 2023.
- ↑ „Player Database“. eu-football.info. Посетено на 1 август 2023.
- ↑ „Ѓорѓи Христов ја почна тренерската кариера“. kurir.mk. 5 октомври 2011. Архивирано од изворникот 2011-10-05. Посетено на 3 август 2023. Занемарен непознатиот параметар
|dead-url=(help) - ↑ "Христов поднесе оставка", Дневник, година XVI, број 5022, 23 ноември 2012, стр. 23.
- ↑ ЗОРАН МИШЕВСКИ (18 јуни 2018). „Ѓорѓи Христов ја почна тренерската кариера“. gol.mk. Архивирано од изворникот 2023-08-03. Посетено на 3 август 2023.
- ↑ „Нашиот стручен тим: ...“. kurir.mk. 15 јануари 2023. Архивирано од изворникот 2023-08-03. Посетено на 3 август 2023.
Надворешни врски уреди
- Играчки профил на Transfermarkt.com
- Тренерски профил на Transfermarkt.com
Оваа биографска статија за личност од македонскиот фудбал е никулец. Можете да помогнете со тоа што ќе ја проширите.