Црква „Успение на Пресвета Богородица“ - Поздивишта

црква во Поздивишта, Костурско

Успение на Пресвета Богородица (грчки: Παναγίας) — црква во селото Поздивишта, Костурско, Егејска Македонија. Влегува во состав на Костурската епархија на Цариградската патријаршија. Изворно ѝ припаѓала на Охридската архиепископија.[1][2][3][4][5]

Успение на Пресвета Богородица
Παναγίας
Фреска „Светите Три Јерарси“, 1815 г.
Карта
40°38′45″N 21°14′7″E / 40.64583° СГШ; 21.23528° ИГД / 40.64583; 21.23528Координати: 40°38′45″N 21°14′7″E / 40.64583° СГШ; 21.23528° ИГД / 40.64583; 21.23528
МестоПоздивишта, Костурско
ЗемјаЕгејска Македонија, Грција
ВероисповедЦариградска патријаршија
Архитектура
Завршена1815
Управа
Архијерејско намесништвоКорештанско
ЕпархијаКостурска

Историја уреди

Црквата е гробишен храм, сместен на 1 км источно од селото. Првичната црква датира од околу 1700 г.,[1][3] но таа е срушена во 1815 г. и веднаш обновена. Од претходниот храм останале само глинените плочи на подот и округлите основи на дрвените столбови, кои го двоеле наосот на три кораба.[3] Панделис Цамисис пред 1949 г. усепал да го запише ктиторскиот натпис од на поновата црква:

† Ανιστορήθη και εκαλλωπίσθη ο ναός ούτος της εν Αγίοις Δεσποίνης ημών Θεοτόκου και αειπαρθένου Μαρίας, διά συνδρομής και κόπου και εξόδων και δαπάναις του αιδεσιμωτάτου Παπά Ιωάννου και των τιμιωτάτων Δημητρίου, Αγγελή, Τραγιάννη. Εθεμελιώθη διά χειρός Αναστασίου Κωνσταντίνου εκ Μεγαρόβου, 1815.[3]
Превод:

Се живописа и украси овој храм на Светата Владичица наша Богородица и присно Дева Марија со соделувањето, напорите, трошоците и расходите на уважениот поп Јован и чесните Димитар, Ангел, Трајан. Се основа од рацете на Анастас Константин од Магарево, 1815 г.

Црквата е грубо изградена со камења и непечени тули, и од таа причина за време на Граѓанската војна (1946 - 1949) покривот и јужниот ѕид паднале заедно со фреските на нив. На почетокот на XXI век е направен импровизиран покрив за археолошки цели.[3]

Од зачуваните фрески се издвојуваат претставата на Светата Троица во апсидата наместо вообичаената Богородица Поширока од небесата. Ова е веројатно направено под влијание на руските бакрорези кои циркулирале во тоа време.[6]

Поврзано уреди

Наводи уреди

  1. 1,0 1,1 „Ναός Παναγίας - Χαλάρα Καστοριάς“. Cyberotsarka. Посетено на 30 јули 2015.
  2. „Τα δύο «Ωρολόγια» των Κορεστείων. Οι απεικονίσεις τους σε ναό των Χαλάρων Καστοριάς (έτ. 1815)“. Φως της Καστοριάς. 30 декември 2019. Посетено на 31 декември 2019.
  3. 3,0 3,1 3,2 3,3 3,4 „Ο βυζαντινός ναός της Παναγίας στο χωριό Χάλαρα Κορεστείων Καστοριάς“. Φως της Καστοριάς. Посетено на 1 февруари 2021.
  4. Αλεξίου, Γιώργος Τ (1 февруари 2021). „Ο βυζαντινός ναός της Παναγίας στο χωριό Χάλαρα Κορεστείων Καστοριάς/ Γράφει ο Γιώργος Τ. Αλεξίου“. Ορίζοντες. Посетено на 4 февруари 2021.
  5. Μπαλασάς, Αθανάσιος Κ (2015). „Ιστορικά Στοιχεία, αρχιτεκτονικός πλούτος και μια πρόταση αναβίωσης της περιοχής των Κορεστείων Καστοριάς“ (PDF). Βαλκανικά σύμμεικτα (17): 227.
  6. Μπαλασάς, Αθανάσιος Κ (2015). „Ιστορικά Στοιχεία, αρχιτεκτονικός πλούτος και μια πρόταση αναβίωσης της περιοχής των Κορεστείων Καστοριάς“ (PDF). Βαλκανικά σύμμεικτα (грчки) (17): 244.

Надворешни врски уреди