Википедија

Црква „Успение на Пресвета Богородица“ - Модрич

црква во селото Модрич

Успението на Пресвета Богородица — главна селска црква во селото Модрич.[1] Сместена е на околу стотина метри од сретселото.

Успение на Пресвета Богородица

Поглед на црквата

македонска православна црква
Епархија Дебарско-кичевска
Архијерејско намесништво Струшко
Парохија Втора струшка
Местоположба

Карта

Координати 41°21′55.1″N 20°34′20″E / 41.365306° СГШ; 20.57222° ИГД / 41.365306; 20.57222
Место Модрич
Општина Струга
Држава Македонија
Општи податоци
Покровител Успение на Пресвета Богородица
Архитектонски опис

Историја уреди

Црквата била обновена во 1894 година врз темелите од стара манастирска црква. Во ноември 2012 година, по налог од Владата на Македонија, од оваа црква биле одземени 27 вредни икони, кои биле складирани во музејските згради, а сè со цел да се спречи нивно крадење.[2]

Архитектура уреди

Градбата на црквата има правоаголна основа со полукружна апсида во задниот дел. Главниот влез е сместен на западната страна. Над него има застаклена слика во дрвена рамка на која е прикажано Успението на Пресвета Богородица, а над сликата има окно. До внатрешноста на црквата води и спореден влез кој е сместен на јужната страна. Јужниот и северниот ѕид содржат по три прозорци, од кои прозорецот кој е најблиску до западната страна на обата ѕида се наоѓа повисоко, додека во средишниот дел на апсидата има монофора. Објектот е изграден од варовник, а на рабовите се забележуваат камени тули. Црквата во целост е покриена со кров од ќерамиди.

Дворот на црквата е ограден со камена ограда од предната страна и во него се сместени камбанаријата, селските гробишта и фонтана. Камбанаријата има квадратна основа и е сместена непосредно од левата страна по влезот во дворот на црквата. Таа се состои од четири дела и на секоја страна од деловите има по една монофора, освен на најнискиот дел од источната страна каде што е сместен влезот. Покриена е со лимен пирамидален кров.

Галерија уреди

  •  
    Поглед на црквата со околината
  •  
    Црквата со камбанаријата покрај патот
  •  
    Црквата со селските гробишта
  •  
    Западната и јужната страна на црквата
  •  
    Западната страна на црквата
  •  
    Сликата над влезот на црквата
  •  
    Јужната страна на црквата
  •  
    Источната страна на црквата
  •  
    Апсидата на црквата
  •  
    Камбанаријата на црквата
  •  
    Фонтана со селските гробишта во дворот на црквата
  •  
    Селските гробишта

Поврзано уреди

Наводи уреди

  1. ↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 40. ISBN 978-608-65143-2-7.
  2. ↑ „Вредните икони ќе се чуваат во музејски депоа[мртва врска]“. Вечер. 20 ноември 2012.

Надворешни врски уреди

Преземено од „https://mk.wikipedia.org/w/index.php?title=Црква_„Успение_на_Пресвета_Богородица“_-_Модрич&oldid=4694880“